Shivraj Patil Passes Away : माजी केंद्रीय गृहमंत्री शिवराज पाटील चाकूरकर यांचे निधन

Shivraj Patil News : माजी केंद्रीय गृहमंत्री, काँग्रेसचे ज्येष्ठ नेते शिवराज पाटील यांचे आज सकाळी लातूर येथे निधन झाले. ते 91 वर्षांचे होते. तब्बल सात वेळा ते लातूरचे खासदार राहिले आहेत. वाढत्या वयामुळे मागील काही काळापासून ते आजारी होते. घरीच त्यांच्यावर उपचार सुरू होते. आज सकाळी साडेसहा वाजता त्यांनी अखेरचा श्वास घेतला.

काँग्रेसचे एकनिष्ठ नेते.गांधी परिवारचे जवळचे नेते, सोनिया गांधीचे विश्वासू म्हणून त्यांचे ओळखले जात होते. लोकसभेचे अध्यक्षपद तसेच केंद्रीय गृहमंत्री तसेच विविध खात्याचे मंत्रि‍पदे त्यांनी भूषवली होती.

शिवराज पाटील यांनी पंजाबचे राज्याचे राज्यपाल पद देखील भूषवले आहे. त्यांच्या राजकीय कारकि‍र्दीची सुरुवात लातूर ग्रामीण मतदारसंघातून झाली होती. ते 1973 मध्ये पहिल्यांदा आमदार म्हणून विजयी झाले होते.पुढे त्यांना मंत्रिमंडळात मंत्री म्हणून काम करण्याची संधी मिळाली.

खासदार म्हणून विजय

1980 मध्ये ते प्रथम लोकसभेच्या मैदानत उतरले. आणि खासदार म्हणून विजयी झाले. सलग सात वेळा त्यांनी लातूर लोकसभा मतदारसंघाचे नेतृत्व केले. 2004 ला मनमोहन सिंग यांच्या मंत्रिमंडळात गृहमंत्रि होते.