MNS News : राज ठाकरेंना मोठा धक्का! मनसेच्या 'या' बड्या नेत्याचा राजीनामा

Nashik News : गेल्या काही दिवसांपासून राज्याच्या राजकारणात वेगाने घडामोडी घडत आहे. राष्ट्रवादीचे नेते अजित पवार यांच्या भाजप प्रवेशाची जोरदार चर्चा राजकीय वर्तुळात रंगली. मात्र, त्यानंतर त्यांनी याबाबत स्पष्टीकरण देत या चर्चांवर पडदा टाकला. ही चर्चा सुरू असतानाच आता महाराष्ट्र नवनिर्माण सेनेला नाशिकमध्ये मोठा धक्का बसला आहे.

मनसेचे नाशिक शहराध्यक्ष दिलीप दातीर यांनी शहराध्यक्ष पदाचा राजीनामा दिला आहे. त्यामुळे मनसे अध्यक्ष राज ठाकरे यांना मोठा धक्का बसला आहे. तसेच आपल्याला पद मुक्त करावे, अशी विनंती करणारे पत्रही त्यांनी राज ठाकरे यांना लिहिले आहे.

नाशिक हा मनसेचा बालेकिल्ला म्हणून ओळखला जातो. मात्र, आगामी निवडणुका तोंडावर असतानाच मनसेला नाशिकमध्ये मोठा धक्का बसला आहे. पदाला न्याय देता येत नसल्यामुळे आपण हा राजीनामा देत असल्याची प्रतिक्रिया दातीर यांनी दिली आहे.

दरम्यान, नाशिक महापालिकेमध्ये 2012 ला मनसेने सत्ता मिळवली होती. मात्र, त्यानंतर मनसेला नाशिक महापालिकेत सत्ता मिळवण्यास अपयश आले. आता दिलीप दातीर यांनी शहराध्यक्ष पदाचा राजीनामा दिल्यामुळे मनसेला मोठा धक्का बसला आहे.

(Edited By Ganesh Thombare)