Bhaskar Bhagre : बनावट प्रशासकीय मान्यतेप्रकरणात राष्ट्रवादीच्या सरांची परीक्षा, चौकशीला सामोरे जावे लागणार

Bhaskar Bhagre : नाशिक जिल्हा परिषदेच्या बांधकाम विभाग तीन मध्ये पर्यटन विभागाच्या बनावट शासन आदेशाने कामे करण्याचा प्रकार उघडकीस आल्यानंतर सर्व प्रक्रिया रद्द करण्यात आली. जानेवारीमध्ये टेंडर प्रक्रिया राबवलेल्या बनावट शासन निर्णयप्रकरणी आता राष्ट्रवादी कॉंग्रेस शरदचंद्र पवार पक्षाचे दिंडोरी विधानसभा मतदारसंघाचे खासदार भास्कर भगरे यांच्याही अडचणी वाढल्या असून त्यांची पोलीस चौकशी होणार आहे असे राज्याचे महा अधिवक्ता अॅड. बिरेंद्र सराफ यांनी उच्च न्यायालयात सांगितले आहे.

बनावट शासन आदेशाच्या आधारे निविदा प्रसिद्ध केल्याप्रकरणी नाशिकच्या भद्रकाली पोलिसांनी जिल्हा परिषदेतील संबंधित अधिकारी व कर्मचाऱ्यांची चौकशी सुरू केल्याने या प्रकरणाशी निगडित अधिकारी, कर्मचारी यांच्या अडचणीत वाढ होण्याची शक्यता आहे. पोलिस या प्रकरणाशी संबंधित अधिकारी व कर्मचाऱ्यांची चौकशी करून त्यांचा जबाब नोंदवून घेत आहेत. बुधवारी (ता. 1) अतिरिक्त मुख्य कार्यकारी अधिकारी डॉ. अर्जुन गुंडे यांची चौकशी करत त्यांचा जबाब पोलिसांनी नोंदवून घेतला.

याप्रकरणात तत्कालीन मुख्यकार्यकारी अधिकारी यांनी तीन कर्मचाऱ्यांवर निलंबनाची कारवाई केली होती. तर तत्कालीन कार्यकारी अभियंता शैलजा नलावडे यांना कार्यमुक्त करण्यात आले. चौकशीच्या आधारे जुलैमध्ये नलावडे यांच्याविरोधात भद्रकाली व पोलिस ठाण्यात फसवणुकीचा गुन्हा न दाखल करण्यात आला.

नलावडे यांनी याप्रकरणात अटक टाळण्यासाठी जिल्हा सत्र न्यायालयात अर्ज केला. मात्र, जिल्हा सत्र न्यायालयाने 31 जुलै रोजी त्यांचा जामीन फेटाळला. त्यानंतर मुंबई उच्च न्यायालयात त्यांनी जामिनासाठी अर्ज केलेला आहे. तेथे सुनावणी सुरू असताना उच्च न्यायालयात 11 सप्टेंबरला नलावडे यांच्या वतीने त्यांच्या वकिलांनी या प्रकरणात खासदार भास्कर भगरे यांचे पत्र सादर केले.

त्यानंतर 24 सप्टेंबरला झालेल्या सुनावणीत राज्याचे महाधिवक्ता अॅड. बिरेंद्र सराफ यांनी या बनावट प्रशासकीय मान्यता प्रकरणी पोलिस खासदार भगरे यांची चौकशी करणार असल्याचे सांगितले. यामुळे या पत्रांबाबत खासदार भगरे यांची चौकशी होणार असून, या प्रकरणी पुढील सुनावणी 8 ऑक्टोबरला होणार आहे. या प्रकरणात 2 डिसेंबर रोजी 2024 रोजी दिलेले पत्र आपण दिलेले नाही हे खासदार भगरे यांना सिद्द करावे लागणार आहे, त्यामुळे खासदार भगरे यांच्या समोरील अडचणी वाढण्याची शक्यता आहे.