Eknath Shinde News : आज सायंकाळी मुंबईत होणाऱ्या शिंवसेनेच्या एकनाथ शिंदे गटाच्या दसरा मेळाव्यासाठी कार्यकर्ते निघाले होते. या कार्यकर्त्यांच्या बसला कसारा घाटात अपघात झाला.(Eknath Shinde group`s bus found accident at Kasara Ghat)
शिवसेनेच्या (Shivsena) एकनाथ शिंदे (Eknath Shinde) गटाचा मेळावा आज मुंबईत (Mumbai) होत आहे. त्यासाठी जाणाऱ्या कार्यकर्त्यांच्या बसला अपघात झाल्याने दहा कार्यकर्ते जखमी झाले.
आज दुपारी दीड वाजता शिंदे गटाच्या मेळाव्याला यवतमाळहून मुंबईला जाणाऱ्या खासगी बसला नवीन कसारा घाटात अपघात झाला. ही बस बंद अवस्थेत उभ्या असलेल्या ट्रकला धडकली. या बसचा ब्रेक निकामी झाल्याने हा मोठा अपघात झाला. सुदैवाने त्यात कोणतीही प्राणहानी झाली नाही.
महामार्गावर ट्रक ( सीजी - ०४ - जेडी - ९२०५) उभा होता. त्याच्या मागे एक जीप ( एमएच ०४ - एलई - ०२३१) थांबली. या वेळी कार्यकर्त्यांना घेऊन येणाऱ्या बसचे (एमएच ०४- एफके - ०३९९) ब्रेक निकामी झाल्याने ती ट्रक आणि जीपला धडकली. त्यात बसमधील दहा प्रवासी जखमी झाले. त्यातील दोघे गंभीर जखमी आहेत.
या जखमींना कसारा ग्रामीण रुग्णालयात दाखल करण्यात आले. महामार्ग पोलिस कर्मचाऱ्यांनी घटनास्थळी जाऊन जखमींना जगत्गुरू नरेंद्राचार्य महाराज संस्थान व टोल प्लाझाच्या रुग्णवाहिकेतून आरोग्य केंद्रात दाखल केले.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.