BJP News : अकोट नगरपालिकेत झालेली भाजप-एमआयएम युती राज्यभर चर्चेचा विषय ठरली. या अभद्र युतीला कडाडून विरोध केल्यानंतर दोन्ही पक्षांनी घुमजाव करीत माघार घेतली. आता अकोटमध्ये एमआयएम वगळता नवीन आघाडी स्थापन केली आहे. या नवीन आघाडीमध्ये एमआयएमला वगळण्यात आले आहे तसेच काँग्रेस आणि वंचित बहुजन आघाडीच्या सदस्यांना देखील वगळण्यात आले आहे.
'अकोट शहर विकास मंच' या आघाडीमध्ये भाजपा, शिवसेना, शिवसेना उद्धव बाळासाहेब ठाकरे, राष्ट्रवादी काँग्रेस, राष्ट्रवादी काँग्रेस शरदचंद्र पवार आणि प्रहार जनशक्ती पक्षाच्या नगरसेवकांचा समावेश असणार आहे. नव्याने स्थापन झालेल्या अकोट शहर विकास मंचमध्ये 20 नगरसेवकांचा समावेश आहे. त्यांचा गट नेता रवि ठाकूर कायम असणार असल्याचे समजते.
पक्षीय विचारधारेला मूठमाती देणाऱ्या भाजप आणि एमआयएमची अनैसर्गिक आणि अभद्र युती सर्वत्र चर्चेचा विषय ठरली होती. दि. ५ जानेवारी रोजी जिल्हाधिकारी यांच्या समक्ष नोंदणी झाल्यावर राज्यभर खळबळ माजली होती. परस्पर विरुद्ध विचारधारा असलेले दोन्ही पक्ष सत्ताकारणासाठी एकत्र येणे कुणालाच पटले नाही. राज्याचे मुख्यमंत्री यांनी एका मुलाखतीत या अशा युतीबद्दल नाराजी व्यक्त केली होती.
या आघाडीला मान्यता देणे हा आमदारांचा अधिकार नाही, तो प्रदेश अध्यक्ष रविंद्र चव्हाण यांचा अधिकार आहे, आम्ही विद्यमान आमदार यांना शो कॉज नोटीस बजावली. नगराध्यक्ष आपलाच होता, त्यामुळे हे सर्व करण्याची गरज नव्हती विनाकारण मेजॉरीटी दाखविण्यासाठी हा जो उपद्याव केला हा मान्य नाही. काही झालं तरी एमआयएमशी युती मान्य नसल्याचे त्यांनी भर कार्यक्रमात सांगितले.
यानंतर भाजपाचे प्रदेशाध्यक्ष रवींद्र चव्हाण यांनी तातडीने या युतीबद्दल अकोटचे आमदार प्रकाश भारसाकळे यांना खुलासा मागितला होता तर, एमआयएमचे अध्यक्ष असदुद्दीन ओवेसी यांनी नाराजी व्यक्त केल्यानंतर प्रदेशचे उपाध्यक्ष युसूफ पुंजांनी यांनी एमआयएमचा सदर आघाडीतून बाहेर पडत असल्याचे पत्र दिले होते. अखेर या युतीमधून एमआयएम बाहेर पडली.
भाजपवर टीकास्त्र
सदर आघाडी औट घटकेची ठरली असून, या आघाडीमुळे भाजपाला सर्वात जास्त टीकेचा सामना करावा लागला तर, एमआयएमला सुद्धा टिकेला समोर जावे लागले. दोन्ही पक्षांच्या विचारधारेच्या विरुद्ध जाऊन झालेल्या या नैसर्गिक युतीच्या विरोधात रान पेटल्याने 'अखेर देर आये दुरुस्त आये' या न्यायाने एमआयएम दूर ठेवण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
