Bhandara News, 04 Nov : प्रहार जनशक्ती पक्षाचे सर्वेसर्वा आणि माजी मंत्री बच्चू कडू यांनी शेतकऱ्यांच्या कर्जमाफीसाठी मोठं आंदोलन केलं. याच आंदोलना दरम्यान बोलताना त्यांनी शेतकऱ्यांना 'आत्महत्या करू नका, त्यापेक्षा आमदाराला कापा', असं खळबळजनक वक्तव्य केलं होतं.
शिवाय शेतकऱ्यांमध्ये प्रचंड संताप असून सरकारने कर्जमाफी केली नाही, तर देशात नेपाळसारखी परिस्थिती निर्माण होईल, असा इशारा देखील त्यांनी सत्ताधाऱ्यांना दिला होता. बच्चू कडूंच्या या वक्तव्यामुळे वादाला तोंड फुटलं होतं.
दरम्यान, सरकारने त्यांच्या मागण्या मान्य करत शेतकऱ्यांची कर्जमाफीची तारीख जाहीर केली. त्यामुळे कडूंनी आपलं आंदोलन मागं घेतलं आहे. अशातच आता शेतकऱ्यांच्या प्रश्नावरून आक्रमक झालेल्या भंडाऱ्यातील काँग्रेस खासदार प्रशांत पडोळे यांनी थेट पंतप्रधान नरेंद्र मोदी आणि मुख्यमंत्री देवेंद्र फडणवीस यांना उडवून देऊ, अशी धमकी दिली आहे.
भंडारा आणि गोंदिया जिल्ह्यात परतीच्या पावसामुळे मोठं नुकसान झालं आहे. अतिवृष्टीमुळे जिल्ह्यातील धान पिकाचे मोठं नुकसान झाल्यामुळे नुकसानग्रस्त शेतकऱ्यांना मदत करावी यासाठी प्रसंगी सरकारने आपल्या धोरणात बदलं करावा अशी मागणी काँग्रेस खासदार प्रशांत पडोळे यांनी केली.
मात्र, शेतकऱ्यांना मदत मिळावी याची मागणी करताना त्यांनी थेट मुख्यमंत्री आणि पंतप्रधान यांना धमकीवजा इशारा दिला आहे. भंडारा आणि गोंदिया जिल्ह्यात परतीच्या पावसामुळे मोठं नुकसान झालं आहे. या परिसरातील शेतकरी आत्महत्या करणार नाही तर काय करेल? असा सवालही त्यांनी उपस्थित केला.
शिवाय देशाचे पंतप्रधान आणि महाराष्ट्राचे मुख्यमंत्र्यांनी शेतकऱ्यांच्या प्रश्नांकडे तातडीने लक्ष द्यावे, अशी मागणी पडोळे यांनी केली. ते म्हणाले, शेतकऱ्यांना पीक विम्याचे फक्त 18 रुपये भेटले साहेब 18 रुपयांनी काय होतं? धोरणं बदलाना साहेब आम्ही तर तयार आहोत तुमच्यासाठी. यावेळी शेतकरी आत्महत्या करणार नाही, तुम्ही जर आमच्या शेतकऱ्यांना 1 लाख रुपये दिले नाही.
तुम्ही शेतकऱ्यांचा हक्क दिला नाही, तर यावेळेस आम्ही आत्महत्या करणार नाही, यावेळेस आम्ही तुम्हाला उडवून देऊ साहेब,' अशी धमकीच खासदार प्रशांत पडोळे यांनी दिली. त्यांच्या या वक्तव्यामुळे आता एकच खळबळ उडाली आहे. तर शेतकरी नेते बच्चू कडू यांचे सहकारी रविकांत तुपकर म्हणाले होते की, 'बच्चू भाऊंनी आमदाराला कापण्यास सांगितले होते.
मी त्याच्या पुढे जाऊन सांगतो, दोन चार मंत्र्याला कापा, पण आता मागे हटायचे नाही.' तुपकर यांच्यानंतर आता खासदार पडोळे यांनी शेतकऱ्यांच्या प्रश्नावरून आक्रमक आणि हिंसक भाषेचा वापर केला. त्यामुळे मागील काही दिवसांपासून लोकप्रतिनिधी नको त्या भाषेचा उपयोग करत असल्याचं दिसत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.