Amravati District Collector : महसूल खात्यात खळबळ; IAS कटियारांना वेगळाच संशय, एकाच वेळी 14 तहसीलदारांना नोटीस बजावल्या

Bangladeshi Fake Birth Certificate : अमरावती जिल्ह्यातील घुसखोर बांगलादेशींना दिलेल्या जन्म-मृत्यू नोंदणी प्रमाणपत्रावरून महसूल खात्यात खळबळ उडाली आहे. भाजपचे माजी खासदार किरीट सोमय्या याप्रकरणाचा पाठपुरावा करत आहेत.

पूर्वी यात आठ जणांविरोधात आणि रविवारी (ता. 16) तीन जणांविरोधात गुन्हे दाखल झाले आहेत. प्रमाणपत्र वाटपाची व्याप्ती मोठी असून, आठ हजार जणांना जन्म-मृत्यूचे अवैध प्रमाणपत्र असल्याचा दावा, किरीट सोमय्या यांनी केला आहे.

अमरावती जिल्ह्यात बांगलादेशींना जन्म-मृत्यू प्रमाणपत्र वाटपाची व्याप्ती मोठी आहे. भाजपचे (BJP) माजी खासदार किरीट सोमय्या या प्रकरणाचा पाठपुरावा करत आहेत. त्यावरून अमरावतीमधील महसूल प्रशासनाच्या कारभारातील गोंधळ आणखी चव्हाट्यावर आला आहे.

15 हजार जन्म-मृत्यू दाखल्यापैकी 9 हजार दाखले बनावट कागदपत्राच्या आधारे दिल्याची माहिती समोर आली आहे. यामुळे अमरावती (Amravati) जिल्ह्यातील प्रशासनाच्या कारभारावर प्रशचिन्हं उपस्थित केले जात आहे. यावरून अमरावती जिल्ह्याचे जिल्हाधिकारी सौरभ कटियार 'अ‍ॅक्शन मोड'वर आले आहेत.

अमरावती जिल्ह्यातील सर्व 14 तहसीलदार आणि नायब तहसीलदारांना कारणे दाखवा नोटीस बजावल्या आहेत. जिल्हाधिकारी सौरभ कटियार यांनी कारणे दाखवा नोटीस बजावत त्यावर 24 तासात तहसीलदार आणि नायब तहसीलदार यांच्याकडून स्पष्टीकरण मािगतले आहे.

काही नायब तहसीलदारांनी परस्पर जन्म-मृत्यूचे दाखले दिल्याचा आरोप आहे. भाजप माजी खासदार किरीट सोमय्या यांनी चार महिन्यात पाच वेळा अमरावतीत दौरा केला होता. बनावट कागदपत्राचे आधारे जन्म-मृत्यू दाखले दिल्याचा आरोप सातत्याने करत आहेत. अमरावती जिल्ह्यात याप्रकरणी पुन्हा गुन्हा दाखल झाल्याने जिल्हाधिकारी कटियार यांनी त्याची गंभीर दखल घेत सर्व तहसीलदारांना कारणे दाखवा नोटीस बजावल्या आहेत.