Nagpur News, 13 Dec : नागपुरात एकीकडे सध्या राज्याचं हिवाळी अधिवेशन सुरू आहे. तर दुसरीकडे या अधिवेशना दरम्यान येत्या रविवारी (ता.14) राष्ट्रीय स्वयंसेवक संघाच्या मुख्यालयात महायुतीच्या आमदारांचं बौद्धिक आयोजित करण्यात आलं आहे.
यासाठी महायुतीतील घटक पक्षाच्या आमदारांना निमंत्रण देण्यात आलं आहे. त्यामुळे आता या बौद्धिकासाठी नेमकं कोण कोण नेके उपस्थित राहणार हे पाहणं महत्वाचं ठरणार आहे. कारण मागील वर्षी देवेंद्र फडणवीस आणि एकनाथ शिंदेंसह भाजप आणि शिवसेनेच्या आमदारांनी संघाच्या मुख्यालयात हजेरी लावली होती.
मात्र, उपमुख्यमंत्री अजित पवार यांच्यासह त्यांच्या आमदार आणि नेत्यांनी 'स्मृती मंदिर' भेट टाळली होती. त्यामुळे आता यंदा अजित पवार आणि त्यांचे आमदार संघाच्या बौद्धिक वर्गाला हजेरी लावणार का? याकडे सर्वांच्या नजरा लागल्या आहेत.
एकीकडे अजितदादांच्या राष्ट्रवादीचे नेते संघ मुख्यालयात जाणार का नाही? याबाबतच्या चर्चा सुरू असतानाच आमदार अमोल मिटकरी यांनी संघाच्या बौद्धिकला जाण्याचा प्रश्नच उद्भवत नसल्याची प्रतिक्रिया एका वृत्तवाहीनीशी बोलताना दिली आहे.
त्यामुळे यंदाच्या वर्षीही संघाच्या बौद्धिकाला अजित पवारांच्या राष्ट्रवादीचे कुणीही उपस्थित राहणार नसल्याचं जवळपास स्पष्ट झालं आहे. तर राष्ट्रवादी काँग्रेस पक्ष हा शिव-शाहू -फुले-आंबेडकरांच्या विचारांना मानणारा आहे असंही मिटकरी यांनी म्हटलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.