Nagpur News : सध्या सर्वत्र नागपूर शहराचा नवा महापौर कोण होणार याकडे सर्वांचे लक्ष लागले आहे. नागपूरमध्ये पुन्हा एकदा भाजपला स्पष्ट बहुमत मिळाले आहे. त्यामुळे भाजपचाच महापौर होणार आहे. 54 महिला नगरसेविकांमधून महापौर निवडण्याची प्रक्रिया सुरू असताना काँग्रेसने विरोधीपनेता ठरवला आहे. नगरसेवक संजय महाकाळकर यांचे नाव जवळपास काँग्रेसने निश्चित केले आहे. येत्या मंगळवारी त्यांची गटनेतेपदी नियुक्ती केली जाणार असल्याचे समजते.
यावेळी भाजपचे 102 तर काँग्रेसचे 33 नगरसेवक निवडून आले आहेत. त्यामुळे काँग्रेसला पुन्हा एकदा विरोधातच बसावे लागणार आहे. मागील कार्यकाळात संजय महाकाळकर यांचीच काँग्रेसचे गटनेते म्हणून नियुक्ती केली होती. मात्र त्यांच्या नावाला इतर नगरसेवकांनी विरोध केला होता. त्यात अनेक ज्येष्ठ नगरसेवकांचा समावेश होता. सर्वांनी एकत्र येत विभागीय आयुक्तालयात स्वतंत्रपणे गटाची नोंदणी केली होती.
यात महाकाळकर यांची 15 दिवसाच्या आताच खुर्ची गेली होती. त्यानंतर तानाजी वणवे यांना विरोधीपक्ष नेतेपद बहाल करावे लागले होते. त्यावेळी शहर काँग्रेसचे अध्यक्ष विकास ठाकरे यांना नामनिर्देशित नगरसेवक करण्यात येणार होते. पण ठाकरे यांना महापालिकेत येण्यापासून रोखण्यासाठी काँग्रेसचा एक गट सक्रिय झाला होता. 28 नगरसेवकांच्या काँग्रेसमध्ये दोन गट पडले होते.
आता राजकीय चित्र बदलले आहे. विकास ठाकरे सलग दुसऱ्यांदा आमदार झाले आहेत. मात्र त्यांच्याकडे काँग्रेसचे शहराध्यक्षपद कायम आहे. त्यांना रोखण्यासाठी पुढाकार घेतलेले तानाजी वणवे पराभूत झाले आहे. काँग्रेसचे राष्ट्रीय महासचिव प्रफुल गुडधे यावेळी निवडणूक लढले नाहीत. त्यांचा पत्नी निवडून आल्या आहेत. मागील 8 वर्षांत पुलाखालून बरेच पाणी वाहून गेले आहे.
गुडधे यांचा ठाकरे विरोधी सूर मावळला आहे. लोकसभेच्या निवडणुकीत त्यांनी ठाकरे यांचा प्रचार केला. गुडधे यांना मुख्यमंत्री देवेंद्र फडणवीस यांच्या विरोधात दक्षिण-पश्चिम नागपूरमधून काँग्रेसने उमेदवारी दिली होती. याशिवाय काँग्रेसचे दिग्गज नेते सतीश चतुर्वेदी राजकारणातून बाहेर पडले आहेत.
आमदार नितीन राऊत हे फक्त आपल्या उत्तर नागपूर विधानसभा मतदारसंघात लक्ष घालत आहे. चारदोनचा अपवाद वगळता काँग्रेसचे सर्वच नगरसेवक नवे आहेत. प्रमुख दावेदार असलेले प्रशांत धवड आणि सतीश होले हे पराभूत झाले आहेत. हे बघता विकास ठाकरे यांनी निश्चित केलेल्या नावाला कोणी विरोध करतील अशी राजकीय परिस्थिती नागपूर काँग्रेसमध्ये नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.