Nagpur News, 08 Jul : ओबीसी आरक्षणाच्या वादामुळे मागील जवळपास साडेतीन वर्षांपासून नागपूर महापालिकीचे निवडणूक लांबणीवर पडली आहे. सर्वोच्च न्यायालया या ओबीसी आरक्षणाच्या मुद्द्यावर अद्याप ठोस असा निर्णय दिलेला नाही.
महापालिका निवडणुकीसाठी प्रभाग रचना होणार आहे. प्रभाग रचनेच्या महाराष्ट्र महापालिका कायदा 1949 च्या कलम 5 च्या अधिनियम क्रमांक 21 च्या तरतुदींनुसार महापालिकेत 156 जागा असू शकतात. तर 2017 पालिकेतील सदस्य संख्या 151 होती. नागपूर पालिकेला ‘अ’ वर्ग असल्याने, लोकसंख्येच्या आधारावर महापालिकेत पाच जागांची वाढ होऊ शकते.
सदस्य संख्या वाढणार असली तरी ओबीसींच्या जागांत जागा कमी होण्याची शक्यता आहे. कारण सर्वोच्च न्यायालयाच्या निर्देशानुसार, स्थानिकच्या निवडणुकांमध्ये ओबीसी आरक्षण निश्चित करण्यात शिथिलता असली तरीही आरक्षण 50 टक्क्यांपेक्षा जास्त नसावे याबाबत कडक सूचना दिल्या होत्या.
कोर्टाच्या आदेशानुसार आता विविध प्रवर्गांसाठी आरक्षण निश्चित करावं लागणार आहे. त्यामध्ये अनुसूचित जाती प्रवर्गासाठी 19 टक्के, अनुसूचित जमातीसाठी 7.7 टक्के आणि ओबीसीसाठी 23.5 टक्के आरक्षण निश्चित केलं जाणार आहे. त्यामुळे 156 जागांमध्ये अनुसूचित जाती, अनुसूचित जमाती आणि ओबीसींच्या 78 आणि सामान्य प्रवर्गातील 78 जागा राखीव ठेवल्या जाणार आहेत.
तज्ज्ञांनी दिलेल्या माहितीनुसार, 2017 सालीच्या निवडणुकीच्या तुलनेत ओबीसी जागांच्या संख्येत घट होऊ शकते. 2017 मध्ये मनपातील सदस्यांची संख्या 151 होती. ती आता 156 करण्यात आली. या पाच जागा वाढवल्या असल्या तरीही ओबीसींच्या जागा कमी होण्याचा अंदाज वर्तवला जात आहे. 2017 साली ओबीसींच्या एकूण 42 जागा होत्या. त्यानंतर 2022 मध्ये लॉटरी काढली तेव्हा त्या केवळ 35 होत्या.
आता होणाऱ्या निवडणुका 2017 च्या आधारावर होणार आहेत. त्यामुळे ओबीसी आरक्षणाचा फॉर्म्युला निश्चित होण्याची शक्यता आहे. परंतु मनपाच्या एकूण जागांमध्ये वाढ झाल्यामुळे ओबीसी जागांमध्ये त्या प्रमाणात वाढ होताना दिसत नाही. दरम्यान, प्रभागाची रचना 2011 च्या जनगणनेच्या आधारावर करायची असल्यामुळे सध्याची सदस्य संख्या कायम राहणार की, वाढणार यावर बोलता येणार नसल्याची माहिती पालिकेची निवडणूक अधिकारी श्‍याम कापसे यांनी दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.