Eknath Shinde : सामंतांनी डाव फिरवला; शिंदेंना सेफ करत CM फडणवीसांना आणलं गोत्यात

यवतमाळ शहरातील नळ पाणी योजनेवरून उपमुख्यमंत्री एकनाथ शिंदे यांच्यावर होणारे आरोप उद्योगमंत्री उदय सामंत यांनी खोडून काढले आहेत. एकनाथ शिंदे यांच्यावर या योजनेसंबंधी केलेले आरोप बिनबुडाचे आहेत. त्यावेळी एकनाथ शिंदे मुख्यमंत्री नव्हते. तसेच नगर विकासमंत्री देखील नव्हते, असे सामंत यांनी पुराव्यांसह स्पष्ट केले.

यवतमाळ जिल्ह्यातील अमृत योजनेंतर्गत निकृष्ट पाईपलाईन टाकल्याचे प्रकरण मुंबई उच्च न्यायालयाच्या नागपूर खंडपीठात दाखल झाले आहे. सुनावणी दरम्यान न्यायालयाने यास जबाबदार कोण याचे उत्तर सादर करण्यास राज्य शासनाला निर्देश दिले होते. यावर मंगळवारी झालेल्या सुनावणीत राज्याच्या विद्यमान मुख्य सचिव सुजाता सौनिक यांनी शपथपत्रातून उपमुख्यमंत्री एकनाथ शिंदे (Eknath Shinde) यांनाच यासाठी जबाबदार धरले आहे.

पण एकनाथ शिंदे यांच्यावर या योजनेसंबंधी होणारे आरोप बिनबुडाचे असल्याचे उदय सामंत (Uday Samant) यांनी सांगितले आहे. ते म्हणाले, यवतमाळचे तत्कालीन पालकमंत्री मदन येरावार यांनी यवतमाळ शहरातील नागरिकांना नळ पाणी योजनेची मागणी केली होती. या योजनेचे पहिली निविदा अडके नावाच्या व्यक्तीला मिळाली होती. मात्र योजनेचे काम लवकर व्हावे, अशी नागरिकांची मागणी होती. त्यानुसार जय बालाजी या कंपनीला कंत्राट देण्यात आले होते.

मात्र पाइपलाईन टाकताना पाईप फुटल्याने तेथील शेतकऱ्याचे नुकसान झाले. तत्कालीन मुख्यमंत्री देवेद्र फडणवीस यांनी 59 लाख 68 हजार 33 रुपये भरपाई म्हगून शेतकऱ्याच्या खात्यात जमा केले होते. त्यामुळे एकनाथ शिंदे यांच्यावर या योजनेसंबंधी केलेल आरोप बिनबुडाचे आहेत. तसेच गुलाबराब पाटील यांचाही थेट संबंध नाही. सामंत यांनी योजनेची कागदपत्रही माध्यमांसमोर सादर केली. त्यामुळे सावंत यांनी एकनाथ शिंदे यांना सेफ करत फडणवीस यांना गोत्यात आणले आहे, असे म्हंटल्यास वावगे ठरणार नाही.

25 वर्षे पूर्ण करणारा ई-सकाळ आता कॉमस्कोअरमध्ये नंबर 1. डिजिटल माध्यमांच्या क्षेत्रातली नवी झेप