Bjp News : मोठी बातमी : भाजपकडून विधानपरिषदेसाठी पंकजा मुंडे, अमित गोरखे, सदाभाऊ खोत, योगेश टिळेकर, फुकेंना उमेदवारी

Mumbai News : विधानपरिषदेच्या 11 जागांपैकी भाजपच्या वाट्याला पाच जागा येणार आहेत तर अजित पवार गटाच्या वाट्याला दोन तर शिंदे गटाच्या वाट्याला दोन जागा येणार आहेत. तर उर्वरित दोन जागा महाविकास आघाडीच्या वाट्याला येणार आहेत.

भाजपकडून विधानपरिषदेसाठी पंकजा मुंडे, अमित गोरखे, सदाभाऊ खोत, योगेश टिळेकर, परिणय फुके यांना उमेदवारी देण्यात आली आहे. त्याची अधिकृत घोषणा भाजपकडून सोमवारी दुपारी करण्यात आली. (Bjp News)

भाजपकडून लोकसभा निवडणुकीत पराभव स्वीकारावा लागलेल्या महादेव जानकर यांच्यासह माजी केंद्रीय मंत्री रावसाहेब दानवे, माजी मंत्री पंकजा मुंडे (Pankaja Munde), हर्षवर्धन पाटील, चित्रा वाघ, परिणय फुके, सुधाकर कोहळे, अमित गोरखे, निलय नाईक, योगेश टिळेकर, माधवीताई नाईक या नावांची चर्चा होती.

त्यापैकी पंकजा मुंडे, अमित गोरखे, सदाभाऊ खोत, योगेश टिळेकर, परिणय फुके यांना उमेदवारी देण्यात आली आहे.

लोकसभा निवडणूका पार पडल्यानंतर आता विधान परिषदेच्या 11 जागांसाठी निवडणूक होत आहे. 12 जुलै रोजी होणाऱ्या या निवडणुकीसाठी उमेदवारी अर्ज दाखल करता येणार आहेत. दिल्लीत काही दिवसांपूर्वी उपमुख्यमंत्री देवेंद्र फडणवीस (Devendra Fadanvis), भाजपचे प्रदेशाध्यक्ष चंद्रशेखर बावनकुळे यांच्या उपस्थित काही नावे निश्चित करण्यासाठी भाजपच्या वरिष्ठ नेत्यांशी चर्चा झाली होती.

विधानपरिषदेच्या 11 जागांपैकी भाजपच्या वाट्याला पाच जागा येणार आहेत तर अजित पवार गटाच्या वाट्याला दोन तर शिंदे गटाच्या वाट्याला दोन जागा येणार आहेत. तर उर्वरित दोन जागा महाविकास आघाडीच्या वाट्याला येणार आहेत. भाजपकडे येणाऱ्या पाच जागांसाठी 35 जणांनी उमेदवारी भाजपकडे मागितली होती.

भाजपकडून (Bjp) माजी केंद्रीय मंत्री रावसाहेब दानवे, माजी मंत्री पंकजा मुंडे (Pankja Munde), हर्षवर्धन पाटील, चित्रा वाघ, परिणय फुके, सुधाकर कोहळे, अमित गोरखे, निलय नाईक, योगेश टिळेकर, माधवीताई नाईक या दहा नावांची चर्चा होती. या पैकी पाच नावे फायनल करण्यात आली.