Devendra Fadnavis : वाल्मिक कराडला अटक होणार का ? मुख्यमंत्री फडणवीसांनी स्पष्टच सांगितले

Nagpur News : हिवाळी अधिवेशनाचे सूप वाजल्यानंतर मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी पत्रकार परिषद घेतली. या पत्रकार परिषदेत सुरुवातीलाच मुख्यमंत्री देवेंद्र फडणवीस यांनी अजित पवार कुठे गेले आहेत? ते आधीच बातमी होऊ नये म्हणून सांगत असल्याचे म्हटले. दुसरीकडे देवेंद्र फडणवीस यांना यावेळी वाल्मिक कराडला अटक होणार का? असा प्रश्न विचारला असता त्यांनी स्पष्टच सांगितले. (Devendra Fadnavis News)

नागपूरमध्ये मुख्यमंत्री देवेंद्र फडणवीस आणि उपमुख्यमंत्री एकनाथ शिंदे (Ekanth Shinde) यांची पत्रकार परिषद पार पडली. राज्यातील जनतेच्या हिताचे अनेक निर्णय या अधिवेशनात घेतले आहेत. सहा दिवसात सरकारने भरगच्च काम केले आहे. लाडकी बहीण योजनेसाठी 2400 कोटी रुपयांचा निधी मंजूर करण्यात आला आहे. त्याशिवाय या अधिवेशनकाळात झालेल्या कामकाजाची माहिती त्यांनी दिली.

या पत्रकार परिषदेवेळी एका पत्रकाराने वाल्मिक कराडला अटक होणार का? असा प्रश्न मुख्यमंत्री देवेंद्र फडणवीस यांना विचारला. त्यावर उत्तर देताना फडणवीस म्हणाले, 'मी कालही सांगितले की, कोणालाही सोडले जाणार नाही. पोलीस सगळ्यांचा मागोवा घेत आहेत. सर्वांना अटक होईल', असे स्पष्ट केले.

यावेळी देवेंद्र फडणवीस (Devendra Fadnavis) म्हणाले, सिंचन असेल उद्योग असेल गेल्या अडीच वर्षात आम्ही मागास भागात परिवर्तन केले आहे. पुढील रोडमॅप देखील आम्ही विधानसभेत मांडला आहे. महाराष्ट्रातील मागास भागावर आमचा फोकस आहे. नदीजोड आणि सिंचनावर प्रकल्पांवर आमचा भर असणार आहे.

त्यासोबतच कापसाचा बोनस आपण जाहीर केला आहे. सोयाबीनची खरेदी हमीभावाने रेकॉर्डब्रेक खरेदी आपण केली आहे. विदर्भ मराठवाड्यातील पिकांना न्याय देण्याचे काम आपल्या सरकारने केले असून येत्या काळात सुरु असलेल्या कॊणत्याच योजना बंद करणार नसल्याचे त्यांनी स्पष्ट केले.