ZP Election Result : जिल्हा परिषदेचा पहिला निकाल हाती, अजितदादांची शिलेदार विजयी; अश्विनी दळवींनी इतिहास घडवला!

Solapur ZP Result : जिल्हा परिषद निवडणुकीचा निकाल जाहीर होतो आहे. टपाल मतमोजणी पूर्ण झाली असून ईव्हीएमचे आकडे समोर येत आहेत. त्यातच पहिला निकाल माढ्यामधून समोर आला आहे. जिल्हा परिषद भोसरे गटातून अजित पवारांच्या राष्ट्रवादी काँग्रेसच्या उमेदवार अश्विनी दळवी या विजयी झाल्या आहेत.

अजित पवारांच्या निधनानंतर ही पहिलीच निवडणूक आहे. निवडणुकीच्या प्रचारासाठी बारामतीमध्ये येत असताना अजित पवारांचे विमान अपघातामध्ये निधन झाले. दरम्यान, या निवडणुकीसाठी दोन्ही राष्ट्रवादी काही ठिकाणी एकत्र आल्या आहेत.

राज्यातील कलानुसार सुरुवातीच्या टप्प्यात भाजप हा आघाडीवर असल्याचे दिसते आहे. भाजपचे 60 उमदेवार आघाडीवर आहेत. तर, राष्ट्रवादी काँग्रेसचे 30 उमेदवार आघाडीवर आहेत. शिवसेना शिंदे गट देखील 30 जागांसह आघाडीवर दिसतो आहे.

कोल्हापूरात काँग्रेसची चांगली सुरुवात

कोल्हापुरातील पहिला निकाल हाती आला असून घुणकी येथे काँग्रेसच्या शुभांगी महेश कुंभार या जिल्हा परिषदसाठी विजयी झाल्या आहेत. तर, पंचायत समिती नवे पारगाव मध्ये काँग्रेसचे भारत विरधवल पाटील विजयी झाले आहेत. तसेच, घुणकी पंचायत समितीमध्ये काँग्रेसच्या संगीता संग्राम पाठील विजयी झाल्या आहेत.