NCP Politics : अजितदादांनी घातले ठाण्यात लक्ष, आदिती तटकरेंनी दिला खास संदेश; शिंदेंचे टेन्शन वाढणार?

Ajit Pawar Aditi Tatkare Thane Politics : आगामी ठाणे महापालिका निवडणुकीच्या दृष्टिने अजित पवारांनी मोर्चेबांधणी सुरू केली आहे. पदाधिकाऱ्यांच्या मेळाव्यात आदिती तटकरे यांनी मार्गदर्शन केले.
Aditi Tatkare Thane Politics
Thane Politics Aditi Tatkare
Published on
Updated on

राहुल क्षीरसागर

Thane Politics : आगामी महापालिका निवडणुकीच्या दृष्टीने राजकीय पक्ष कामाला लागले आहेत. ठाणे शहर म्हणजे एकनाथ शिंदेंचा बालेकिल्ला. येथे महायुती होणार की नाही याचे चित्र अजून स्पष्ट नाही. मात्र, भाजप नेते स्वबळाचा नारा देत असताना अजित पवारांनी देखील ठाण्यात लक्ष घालण्यास सुरुवात केली आहे. राष्ट्रवादी काँग्रेसचा मेळावा आणि पक्षप्रवेश सोहळा ठाण्यात पार पडला. यावेळी मंत्री आदिती तटकरे या उपस्थित होत्या.

'ठाण्यात आनंद परांजपे आणि नजीब मुल्ला म्हणजे राम रहीम असून त्या दोघांकडे मोठा अनुभव आहे. तो सगळा अनुभव आता कामाला लावा. अजित पवार यांच्या मार्गदर्शन खाली पक्षाच्या नगरसेवकांची ठाणे महापालिकेत संख्या वाढली पाहिजे.', असा खास संदेश आदिती तटकरे यांनी पदाधिकारी, कार्यकर्त्यांना दिला.

ठाणे महापालिकेत महापौर ठरवताना राष्ट्रवादीची भूमिका निर्णायक राहिल. पक्षाला ठाण्यात मोठे काम करायचे आहे. रस्ते, पाणी पुरवठा यात प्रत्येक कार्यकर्त्यांनी वार्डात चांगली काम करणे गरजेचे असल्याचेही त्यांनी म्हटले.

सर्वांन सोबत घेऊन काम करणारा आपला पक्ष आहे. कोणत्याही एका धर्माचा नाही. सर्वधर्मीय नागरीक आपल्यासोबत आहेत. जे कोणी आपल्याला विचारधारा सोडली असे म्हणतील त्यांना आपल्या कामातून उत्तर देऊ, असे देखील त्यांनी म्हटले. तसेच महापालिका निवडणुकीसाठी प्रत्येकाने आपली जबाबदारी वाटून घेतली पाहिजे, असा सल्ला देखील त्यांनी दिला.

Aditi Tatkare Thane Politics
Ajit Pawar: अजितदादांची भाजपला टक्कर देण्यासाठी विदर्भात मास्टर खेळी; विधानपरिषदेची आमदारकी दिल्यानंतर खोडकेंकडे नवी जबाबदारी

एक कोटी महिलांचे केवायसी

आदिती तटकरे यांनी सांगितले की, दररोज जवळपास चार ते पाच लाख लाडक्या बहिणींची ई केवायसी प्रक्रिया होत आहे. आत्तापर्यंत अंदाजे एक कोटी दहा लाखांपेक्षा जास्त महिलांची ई केवायसी प्रक्रिया पूर्ण झाली आहे. तर अडीच लाखांपेक्षा अधिक महिलांची 90 टक्के प्रक्रिया पूर्ण झाली असल्याचेही त्यांनी सांगितले.

..तर भाजप-राष्ट्रवादीची युती

ठाण्यात स्वबळावर की महायुती स्वतंत्र लढणार हे अजून स्पष्ट झाले नाही. मात्र, अंबरनाथ-बदलापूर महापालिकेत भाजप-राष्ट्रवादी काँग्रेस यांची युती झाली आहे. ही युती एकनाथ शिंदेंच्या विरोधात लढेल. त्यामुळे ठाण्यात महायुती झाली नाही तर भाजप आणि राष्ट्रवादी काँग्रेसची युती होण्याची शक्यता देखीव वर्तवली जात आहे. मात्र, याचा निर्णय हा वरिष्ठ पातळीवरच होण्याची शक्यता अधिक आहे.

Aditi Tatkare Thane Politics
Amit Thackeray: अ‍ॅक्शनला रिअ‍ॅक्शन येणारच! अमित ठाकरेंचा ABVP ला इशारा; पुण्यातल्या राड्यानंतर मनविसे प्रमुख आक्रमक

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com