Sada Sarvankar : राज ठाकरेंनी भेट नाकारली, सदा सरवणकरांची माघार नाहीच; माहीममध्ये तिरंगी लढत

Sada Sarvankar News: माहीम मतदारसंघातून राज ठाकरे यांचे पुत्र अमित ठाकरे हे निवडणुकीच्या रिंगणात आहेत. एकनाथ शिंदे यांच्या पक्षाकडून सदा सरवणकर उमेदवार आहेत. उमेदवारी अर्ज मागे घेण्याच्या एका तास आधी सदा सरवणकर हे राज ठाकरेंची भेट घेण्यासाठी दाखल झाले होते. मात्र, राज ठाकरेंनी सदा सरवणकर यांना भेट नाकारली.

मी उमेदवारी मागे घेतली तर ही निवडणूक अमित ठाकरेंना अवघड जाईल. हे समीकरण राज ठाकरेंना सांगयला आलो होतो. मात्र, मी उमेदवारीवर कायम आहे, असे सदा सरवणकर म्हणाले.

इच्छा अशी आहे एक एक आमदार निवडूण आला पाहिजे. हे समीकरण महत्त्वाचे आहे. मी जर माघार घेतली तर अमितजींना कसा त्रास होईल, हे राजसाहेबांना सांगण्यासाठी आलो आहे. मात्र मी उमेदवारी कायम ठेवणार आहे, असे सदा सरवणकर म्हणाले.

माहीममध्ये तिरंगी लढत

सदा सरवणकर आपला उमेदवारी अर्ज कायम ठेवला आहे. त्यामुळे माहीम मतदारसंघात सदा सरवणकर, मनसे उमेदवार अमित ठाकरे, शिवसेना उद्धव बाळासाहेब ठाकरे पक्षाचे उमेदवार महेश सावंत यांच्यामध्ये तिरंगी लढत होणार आहे.