Shiv Sena MLA Disqualification : आता शिंदे गटाच्या आमदारांची उलट तपासणी ... 

Mumbai News : शिवसेना आमदार अपात्रता सुनावणी प्रकरणात शिवसेना शिंदे गटाच्या वतीने साक्ष, पुरावे आणि प्रतिज्ञापत्र विधानसभा अध्यक्षांकडे सुपूर्त करण्यात आले असून, शिवसेना शिंदे गटाच्या जवळपास 5 आमदार आणि एका खासदाराची साक्ष नोंदवली जाणार असल्याची माहिती सूत्रांनी दिली आहे. 

शिवसेना आमदार अपात्रता प्रकरणामध्ये दोन्ही गटांना आपली साक्ष पुरावे आणि प्रतिज्ञापत्र दाखल करण्यासाठी 18 नोव्हेंबरपर्यंत वेळ देण्यात आली होती. मात्र, शिंदे गटाने विधानसभा अध्यक्षांकडे हे पुरावे सादर करण्यासाठी अधिकचा वेळ मागितला होता. आणि त्यानंतर 24 नोव्हेंबरला साक्ष, पुरावे आणि प्रतिज्ञापत्र शिवसेना शिंदे गटाने विधानसभा अध्यक्षांकडे सादर केले आहे. 

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

आता यामध्ये शिवसेना शिंदे गटाकडून आमदार दीपक केसरकर, उदय सामंत, दिलीप लांडे, योगेश कदम, भरत गोगावले आणि खासदार राहुल शेवाळे यांची साक्ष नोंदवली जाणार असल्याची माहिती सूत्रांनी दिली आहे. 

आता शिवसेना शिंदे गटाचे प्रतोद म्हणून भरत गोगावले यांची उलट तपासणी होऊन साक्ष नोंदवली जाईल, ज्यामध्ये ठाकरे गटाची वकील त्यांना प्रश्न विचारतील, तर दाखल केलेल्या प्रतिज्ञा पत्रानुसार आणि रेकॉर्डवर आलेल्या माहितीनुसार, शिंदे गटाच्या इतर पाच आमदार आणि खासदारांनासुद्धा विविध मुद्द्यांवर प्रश्न व उप प्रश्न ठाकरे गटाचे वकील करतील. 

अपात्रतेबाबत विधिमंडळत सुरू असलेल्या सुनावणीत शिंदे गटाकडून भरत गोगावले आणि मंत्री दीपक केसकर यांची फेर साक्ष होणार आहे. ज्या पद्धतीने शिवसेना उबाठा गटाचे प्रतोत सुनील प्रभू यांची साक्ष नोंदवली जात आहे. त्याचप्रमाणे शिंदे गटाकडून उदय सामंत, दिलीप लांडे यांचीही साक्ष नोंदवण्यात येणार असून, अपात्र ते बाबत सुनावणींचा आजचा पाचवा दिवस आहे. आज ही शिवसेना उबाठा गटाचे प्रतोद सुनील प्रभू यांची साक्ष नोंदवली जाणार आहे