BJP vs Congress Mumbai politics : मुंबई काँग्रेस अन् भाजपमध्ये घमासान सुरू आहे. काँग्रेसचे माजी नगरसेवक मोहसीन हैदर यांच्यावर भाजप अध्यक्ष आमदार अमित साटम यांनी गंभीर आरोप केले. नुसते आरोप नाही, तर अमित साटम यांनी मुंबई पोलिस आयुक्तांकडे हैदर यांची तक्रार करत चौकशीची मागणी केली आहे.
मोहसीन हैदर यांनी मात्र, हे आरोप जुनेच आहेत. तक्रार करून राजकीय स्टंट केला जात आहे. भ्रष्ट विकसकांना संरक्षण देण्याचे भाजपचे षडयंत्र असल्याचा घणाघात केला.
काँग्रेसचे माजी नगरसेवक मोहसीन हैदर यांच्याविरोधात मुंबई भाजप अध्यक्ष आमदार अमित साटम (Ameet Satam) यांनी मुंबई पोलिस आयुक्तांकडे तक्रार कल्याने खळबळ उडाली आहे. हैदर यांच्यावर बनावट कागदपत्रे, अनेक ओळखपत्रे, बनावट तपशिलांसह पासपोर्ट मिळवणे आणि बेहिशेबी मालमत्ता जमवल्याची तक्रार साटम यांनी केली आहे. या प्रकरणाची चौकशी करण्याची मागणी मुंबई पोलिसांकडे साटम यांनी केली आहे.
मुंबई (Mumbai) पोलिस आयुक्त देवेन भारती आणि लाचलुचपत प्रतिबंधक विभागाचे महासंचालक यांना लिहिलेल्या पत्रात आमदार अमित साटम यांनी नमूद केले आहे, की मोहसीन हैदर यांनी वेगवेगळ्या नावांनी कागदपत्रे तयार केली आहेत. शाळेतील नोंदी, निवडणूक प्रतिज्ञापत्रे, पासपोर्ट कागदपत्रे आणि मतदार ओळखपत्र यादीमध्ये दिसून आली आहेत.
हैदर यांनी हे आरोप फेटाळून लावताना म्हटले, की आमदार साटम यांनी केलेले आरोप नवीन नाहीत. लाचलुचपत प्रतिबंधक विभागाने चौकशीनंतर 16 ऑगस्ट 2018 रोजी एक स्पष्ट अहवाल जारी केला, ज्यामध्ये असे म्हटले आहे, की माझ्या कागदपत्रांमध्ये कोणतीही अनियमितता आढळली नाही आणि प्रकरण बंद केले. पुन्हा तेच खोटे आरोप करून अमित साटम हे राजकारण करीत आहेत.
मुंबई काँग्रेसचे मुख्य प्रवक्त सुरेशचंद्र राजहंस यांनी म्हटले आहे की, मुंबईकरांच्या हिताचे पालिकेतील भ्रष्टाचाराचे सरकारला प्रश्न विचारले जातात, त्या प्रश्नांची उत्तरे न देता सरकारमध्ये असलेल्या पक्षाकडून वेगवेगळ्या यंत्रणेच्या माध्यमातून दबाव टाकण्याचा आणि घाबरवण्याचा केविलवाणा प्रयत्न केला जातो. अशा प्रकारचे फेक नॅरेटिव्ह पसरवून मूळ विषयापासून मुंबईकरांचे लक्ष विचलित करण्याचा प्रयत्न केला जात आहे. आम्ही भाजपाला भीत नाही, असे स्पष्ट म्हटले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.