Mumbai, 30 August : मनोज जरांगे पाटील यांच्या उपोषणावरून महाराष्ट्र नवनिर्माण सेनेचे प्रमुख राज ठाकरे यांनी आज सकाळीच माजी मुख्यमंत्री तथा विद्यमान उपमुख्यमंत्री एकनाथ शिंदे यांना आरोपीच्या पिंजऱ्यात उभे करण्याचा प्रयत्न केला होता. ‘मनोज जरांगे पाटील मुंबईत पुन्हा का आले? हा प्रश्न तुम्ही एकनाथ शिंदे यांना विचारा’, असे म्हणून राज ठाकरेंनी शिंदेंकडे अंगुलीनिर्देश केला होता. उपमुख्यमंत्री एकनाथ शिंदे यांच्या मदतीला अखेर भाजप नेते तथा राज्याचे उच्च व तंत्रशिक्षण मंत्री चंद्रकांतदादा पाटील आले आहेत.
मंत्री चंद्रकांत पाटील (Chandrakant Patil ) म्हणाले, ‘माजी मुख्यमंत्री तथा विद्यमान उपमुख्यमंत्री एकनाथ शिंदे यांनी मराठा समाजाला कुठलंही खोटं आश्वासन दिलेले नाही. त्यांनी जे लिहून दिलेले आहे, त्याच्या आधारे सगळ्या गोष्टी पूर्ण झालेल्या आहेत. कुणबी नोंदी सापडल्यानंतर सर्टिफिकेट मिळायला उशीर होतो, त्यामुळे तहसील कार्यालयात वेगळा विभाग सुरू करण्यात यावा, असे त्यांनी सांगितले होते. ते झाले म्हणून तर एवढे कुणबी दाखले सापडले ना?
माजी न्यायमूर्ती संदीप शिंदे समितीची मुदत वाढविण्याचे कामही एकनाथ शिंदे (Eknath Shinde) यांनी अनेकदा केले आहे. आताही शिंदे समितीची मुदत वाढविण्यात आली आहे. मराठा आरक्षण आंदोलनात ज्यांचा मृत्यू झाला, त्यांना दहा लाख रुपये दिले गेले आहेत. त्यांच्या कुटुंबातील व्यक्तींना नोकरी दिली आहे, त्यामुळे मागण्या कधीही प्रॅक्टील केल्या पाहिजेत, असेही मंत्री पाटील यांनी नमूद केले.
ते म्हणाले, मनोज जरांगे पाटील यांच्या मराठा आरक्षणाच्या मागण्यांवर जे जे तोडगे काढता येतील, ते ते तोडगे काढण्यात आले आहेत. आम्ही ग्रामीण भागातून आलो आहोत, त्यामुळे ग्रामीण म्हणीप्रमाणे ‘नाईलाज को क्या इलाज’ म्हणजे नाईलाजला कुठलाही इलाज नसतो.
मनोज जरांगे पाटील यांना दुसरं कोणी मदत करत आहे, असा मी आरोप करणार नाही. जरी तसं असलं तरी आणि जरी तशी माहिती असली तरी मी तसा आरोप करणार नाही, असेही चंद्रकांत पाटील यांनी सांगितले.
मी एवढंच म्हणेन की जे मान्य होणार आहे. ज्या पद्धतीने आपण परीक्षेत पहिल्यांदा सोपे प्रश्न सोडवून टाकतो. एखादा कठीण प्रश्न राहतो. पण, सोडवलेल्या प्रश्नांच्या आधारे आपल्याला गुण मिळतात. नाही नाही तो प्रश्न सुटत कसा नाही, मी तीन दिवस थांबणार, असं कसं बोलून चालेल, असा सवालही चंद्रकांतदादांनी केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.