Mumbai News, 04 Feb : मस्साजोगचे सरपंच संतोष देशमुख (Santosh Deshmukh Murder Case) यांच्या हत्येप्रकरणी सीआयडीने न्यायालयात दोषारोपपत्र दाखल केलं आहे. या दोषारोप पत्रातून आरोपींनी जेव्हा देशमुख यांची हत्या केली तेव्हाचे काही फोटो सोशल मीडियावर व्हायरल होत आहेत. हे फोटो पाहून राज्यभरात संतापाची लाट उसळली आहे.
राज्यभरातून वाढता दबाव पाहता या हत्या प्रकरणातील मुख्य आरोपी असलेल्या वाल्मिक कराडशी (Walmik Karad) जवळीक असलेले राज्याचे अन्न व नागरी पुरवठा मंत्री धनंजय मुंडेंच्या राजीनाम्याची मागणी जोर धरू लागली होती. अशातच मुख्यमंत्री देवेंद्र फडणवीस यांनी धनंजय मुंडेंना राजीनामा देण्याच्या सुचना दिल्या आहेत.
त्यानुसार अखेर मंगळवारी (4 मार्च) रोजी धनंजय मुंडेंनी (Dhananjay Munde) त्यांच्या स्वीय सहाय्यकामार्फत फडणवीसांकडे राजीनामा पाठवला. त्यानंतर राज्यभरातील नेत्यांनी राजीनाम्यावर आपापल्या प्रतिक्रिया द्यायला सुरूवात केली आहे. अशातच मागील काही दिवसांपासून मुंडेंनी पाठराखण करणारे राष्ट्रवादी काँग्रेस पक्षाचे सर्वेसर्वा आणि राज्याचे उपमुख्यमंत्री अजित पवार यांनी देखील राजीनाम्यावर प्रतिक्रिया दिली आहे.
"धनंजय मुंडे यांनी नुकताच त्यांचा राजीनामा दिला असून नैतिकतेवर त्यांनी राजीनामा दिला आहे."; एवढीच प्रतिक्रिया अजित पवारांनी दिली. यावर पत्रकारांनी घटना घडून दोन महिने उलटले त्यामुळे राजीनामा घेण्यात दिरंगाई झाली असं वाटत नाही का? असा प्रश्न विचारला. मात्र, अजितदादांनी (Ajit Pawar) त्यावर भाष्य करणं टाळलं.
तर राज्याचे मुख्यमंत्री देवेंद्र फडणवीस यांनी देखील या प्रकरणावर प्रतिक्रिया दिली. ते म्हणाले, "राज्याचे मंत्री धनंजय मुंडे यांनी माझ्याकडे आपला राजीनामा दिलेला आहे. त्यांचा राजीनामा मी स्वीकारला आहे आणि पुढील कारवाई करता तो राज्यपालांकडे पाठवला आहे. धनंजय मुंडेंचा राजीनामा स्वीकारून आम्ही त्यांना त्यांच्या जबाबदाऱ्यांमधून मुक्त केलं आहे."
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.