Eknath Shinde: ‘काम नाही तर खुर्ची नाही! शिंदेंचा अ‍ॅक्शन प्लॅन! महापालिकेत 'नापास' मंत्र्यांची थेट मंत्रिमंडळातून हकालपट्टी? नव्या चेहऱ्यांना संधी देणार

Eknath Shinde’s Big Decision: राज्यातील 29 महापालिका निवडणुकीत अपेक्षित यश न मिळाले एकनाथ शिंदे नाराज असल्याची माहिती सुत्रांकडून मिळत आहे. एकनाथ शिंदे यांचा बालेकिल्ला असलेल्या ठाणे आणि कल्याण-डोंबिवली वगळता शिवसेनेला अन्य जिल्ह्यातील महापालिकांमध्ये यश मिळाले नाही. त्यामुळे नाराज असलेले शिंदे मोठी भाकरी फिरवण्याची शक्यता आहे.

महापालिका निवडणुकीत आपल्या, आमदार, मंत्र्यांच्या सुमार कामगिरीवर शिंदे संतापले आहेत. या अकार्यक्षम आमदार-मंत्र्यांना डच्चू देण्यात येणार आहे. आगामी जिल्हा परिषद निवडणुकीपूर्वी हा शिंदे हा निर्णय घेणार असल्याचे समजते. जिल्हा परिषद निवडणुकीनंतर मंत्रीमंडळात मोठे फेरबदल होणार असल्याची माहिती आहे. या फेरबदलात नव्या चेहऱ्यांना संधी मिळणार असल्याचे सुत्रांनी सांगितले. साम टिव्हीने याबाबतची बातमी दिली आहे.

मुंबई महापालिका निवडणुकीत भाजप 89 जागा जिंकून सर्वात मोठा पक्ष ठरला आहे. त्यांचा मित्रपक्ष शिंदेसेनेला 29 जागा मिळाल्या आहेत.ठाकरेंची शिवसेना हा दुसऱ्या क्रमांकाचा पक्ष ठरला आहे. त्यांना 65 जागा मिळाल्या आहेत. काँग्रेसचे 24 नगरसेवक निवडून आले आहेत.एकनाथ शिंदे यांच्या शिवसेना (शिंदे गट) ने राज्यातील 29 महानगरपालिकांमध्ये एकूण सुमारे 399 जागा मिळवल्या आहेत.

स्थानिक निवडणुकी असतानाही आमदार, मंत्र्यांना आपली ताकद दाखवता आली नाही, हे या निवडणुकीत स्पष्ट झाले आहे. आता जिल्हा परिषदे निवडणुकी हे अकार्यक्षम नेते पक्षाला किती जागा मिळवून देणार, याकडे पक्षातील वरिष्ठांचे लक्ष लागले आहे.

सध्या मुंबईत महापौरपदाची शर्यत सुरु आहे. उपमुख्यमंत्री एकनाथ शिंदे यांच्या फोडाफोडीच्या राजकारणास शह देण्यासाठी भारतीय जनता पार्टीच्या पाठीशी चक्क उद्धव ठाकरेंची शिवसेना उभी राहण्यास तयार असल्याचे बोलले जाते.

शिंदेंना चेकमेट करण्यासाठी भाजप आणि उद्धव ठाकरेंच्या शिवसेनेची पडद्याआड चर्चा सुरु असल्याची माहिती सूत्रांनी दिली आहे. महापौर निवडीच्या एक मास्टर प्लॅन आखण्यात येत आहे. त्यामुळे शिंदे गोटात अस्वस्थता निर्माण झाली आहे.