Shivsena News : उपमुख्यमंत्री एकनाथ शिंदे यांनी तब्बल साडे तीन वर्षे आधीच आगामी लोकसभा निवडणुकीची तयारी सुरु केली आहे. शिंदे यांनी शिवसेनेच्या 7 महत्वाच्या नेत्यांवर मुंबईतील 6 लोकसभा मतदारसंघाची जबाबदारी दिली आहे. मुंबईची महापालिका निवडणूक जवळ आली असतानाच शिंदे यांनी थेट लोकसभा निवडणुकीपर्यंतचा विचार सुरु केल्याने आश्चर्य व्यक्त केले जात आहे.
मे 2024 झालेल्या लोकसभा निवडणुकीत शिवसेनेला मुंबईतील 3 पैकी एकाच जागेवर विजय मिळवता आला. उत्तर पश्चिम या मतदारसंघातून रविंद्र वायकर केवळ 48 मतांनी विजयी झाले होते. तर दक्षिण मध्य आणि दक्षिण मुंबईमधून शिवसेनेच्या उमेदवारांचा पराभव झाला होता. उद्धव ठाकरेंच्या शिवसेनेचे 4 पैकी 3 खासदार विजयी झाले होते. या धक्क्यातून सावरत शिंदे यांनी आगामी लोकसभा निवडणूक फोकस केल्याचे या निर्णयातून दिसून येत आहे.
एकनाथ शिंदे यांनी मुंबईतील 6 लोकसभा मतदारसंघाच्या प्रमुख पदी 7 नेत्यांची निवड केली आहे. यात दक्षिण मुंबई - मिलिंद देवरा, दक्षिण मध्य - राहुल शेवाळे, उत्तर-पश्चिम - रविंद्र वायकर, उत्तर - प्रकाश सुर्वे, उत्तर मध्य - दीपक सावंत, ईशान्य - शिशिर शिंदे आणि दत्ता दळवी या 7 नेत्यांकडे जबाबदारी देण्यात आली आहे.
मुंबईत एकनाथ शिंदे यांच्या शिवसेनेची महापालिका निवडणुकीचीही जोरदार तयारी सुरु आहे. शिंदे यांनी आतापर्यंत 100 हून अधिक माजी नगरसेवकांना शिवसेनेत घेतले आहे. त्यामुळे उद्धव ठाकरे यांच्यापुढे पालिका निवडणुकीपूर्वी शाखांची पुनर्बांधणी करण्याचे आणि उमेदवार शोधण्याचे मोठे आव्हान आहे. त्यातच शिंदे यांनी लोकसभेचीही तयारी सुरु केल्याने ठाकरे विरुद्ध शिंदे संघर्ष आणखी एका वळणावर जाताना दिसणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
