Eknath Shinde News : विरोधी पक्षनेतेपद शिवसेना उद्धव बाळासाहेब ठाकरे पक्षाला मिळण्याची शक्यता वर्तवण्यात येत आहे. त्यासाठी अधिवेशनात हालचालींना वेग आला आहे. भास्कर जाधव, सुनील प्रभू हे विधानसभा अध्यक्ष राहुल नार्वेकर यांना भेटले आहेत. त्यामुळे शिवसेना उद्धव बाळासाहेब ठाकरे पक्षाला विरोधी पक्षनेतेपद मिळणार का? याची उत्सुकता निर्माण झाली आहे.
अधिवेशनाच्या पहिल्याच दिवशी विरोधी पक्षनेतेपदासाठी जोरदार हालचाली सुरू असताना उपमुख्यमंत्री एकनाथ शिंदे यांनी मोठं वक्तव्य केले आहे. ते म्हणाले, 'आम्हाला प्रचंड बहुमत मिळाले आहे. विरोधी पक्षांना विरोधी पक्षनेतेपद मिळण्या येवढे देखील संख्याबळ त्यांच्याकडे नाही. तरीसुद्धा विरोधी पक्षनेतेपद कोणाला द्यायचे हा विधानसभा अध्यक्षांना अधिकार आहे.विधानसभा अध्यक्ष योग्य ते निर्णय घेतील.'
महाविकास आघाडीत एकी नाही. ते एकमेकांच्या तंगड्यात तंगड्या घालत आहेत. ही महाविकास आघाडी नाही तर महाबकास आघाडी आहे. मला आणि देवेंद्र फडणवीस यांना गंभीर गुन्हात अडकवण्याचा प्रयत्न केला गेला. त्याची एसआयटीकडून चौकशी सुरू आहे. त्यामध्ये गंभीर बाबी समोर आल्या असल्याचा दावा देखील एकनाथ शिंदें यांनी केला.
शिवसेना उद्धव बाळासाहेब ठाकरे पक्षाकडून सुनील प्रभू, आदित्य ठाकरे, भास्कर जाधव यांचे नाव विरोधी पक्षनेतेपदासाठी चर्चेत होते. मात्र, कोकणामध्ये पक्षाची मोठी पिछेहाट झाली आहे. त्यामुळे कोकणाला विरोधी पक्षनेतेपद मिळण्याची शक्यता आहे. त्यामुळे भास्कर जाधव यांचे नाव आघाडीवर आहे.
विधीमंडळ सचिवालयाने दिलेल्या माहितीनुसार विरोधी पक्ष नेते पदासाठी किती सदस्य संख्या असावी असा नियमात कोणताही उल्लेख नाही. तसा कोणताही लिखित नियम नसल्याचे सचिवालयाने सांगितले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.