Hitendra Thakur News : वसई-विरामध्ये भाजपने हितेंद्र ठाकूर यांच्या सत्तेला सुरुंग लावण्यास सुरुवात केली आहे. मोठ्या प्रमाणात बहुजन विकास आघाडीतून पदाधिकारी भाजपमध्ये घेण्याचा सपाटा भाजपने लावला आहे. आता भाजप विरुद्धात हितेंद्र ठाकूर यांनी देखील विरोधकांची मोट बांधण्यास सुरुवात केली आहे.
वसई विरार महापालिका निवडणूक जाहीर झाल्यानंतर राजकीय घडमोडींना वेग आला आहे. महापालिका निवडणुकीत बहुजन विकास विकास आघाडी आणि शिवसेना ( ठाकरे गट) यांच्या शिष्टमंडळा सोबत बंद दाराआड मंगळवारी महत्वाची बैठक पार पडली.तर बुधवारी मनसे आणि काँग्रेसच्या नेत्यांनी हितेंद्र ठाकूर यांची भेट घेऊन निवडणूक युती बाबत चर्चा केली. त्यामुळे भाजप विरुद्ध सगळे विरोधक एकवटणार असल्याचे चित्र आहे.
वसई-विरार महापालिकेची निवडणूक पाच वर्षांपासून रखडली होती. ती निवडणूक आता नवीन वर्षात होत आहे. या निवडणुकीसाठी राजकीय पक्षाची विविध समीकरणे युती,आघाडी आकाराला येऊ लागल्या आहेत. नालासोपारामध्ये शिवसेना-भाजप युतीची घोषणा झाली आहे. या युतीला रोखण्यासाठी महाविकास आघाडी आणि बहुजन विकास आघाडीचे बोलणी अंतिम टप्प्यात आली आहेत.
शिवसेना उद्धव बाळासाहेब ठाकरे पक्षाचे माजी आमदार आणि संपर्क नेते विलास पोतनीस आणि अमोल कीर्तिकर यांनी हितेंद्र ठाकूर यांची भेट घेऊन चर्चा केली तर बुधवारी मनसेचे अविनाश जाधव ,तसेच काँग्रेसचे विजय पाटील आणि जिल्हाध्यक्ष अनिल अल्मेडा यांनी हितेंद्र ठाकूर यांची भेट घेऊन युती बाबत चर्चा केली. पुढील दोन दिवसांत जागा वाटपावर चर्चा होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
