Mumbai Maratha reservation protest news : ओबीसीमधूनच मराठा आरक्षण घेण्यासाठी मनोज जरांगे पाटील मुंबईत दाखल झाले आहेत. जरांगे पाटील यांच्या आंदोलनासाठी हजारोच्या संख्येने मराठा समाज मुंबईत दाखल झाला आहे. जरांगे पाटील यांनी आंदोलनाच्या पार्श्वभूमीवर संपूर्ण राज्य पिंजून काढलं होते. वातावरण निर्मिती केली होती. या सर्वाचा परिणाम म्हणून आता मुंबईत हजारोंच्या संख्येने मराठा समाज दाखल झाला आहे.
या सर्वांवर ओबीसी नेते तथा मंत्री छगन भुजबळ यांची प्रतिक्रिया आलेली नाही. ते शांत आहेत. छगन भुजबळ स्वभावानं आक्रमक. परंतु जरांगे पाटील यांच्या मुंबईतील आजच्या वादळानंतर, देखील मंत्री भुजबळ शांत आहेत. यावर ओबीसी नेते लक्ष्मण हाके यांनी प्रतिक्रिया दिली.
लक्ष्मण हाके यांनी मनोज जरांगे पाटील (Manoj Jarange) यांच्या मुंबईतील आंदोलनाला बेकायदा असं म्हटलं आहे. तसंचे बेकायदेशीर मागणीसाठी असंविधानिक आंदोलन आहे, झुंडीने जाऊन ओबीसीचं आरक्षण संपण्याचा राजकीय कट आहे, असा घणाघात केला आहे. यात ओबीसी नेते मंत्री छगन भुजबळ शांत का आहेत? यावर लक्ष्मण हाके यांनी प्रतिक्रिया दिली.
लक्ष्मण हाके म्हणाले, "होय छगन भुजबळ (Chhagan Bhujbal) शांत आहेत. पण ते निश्चित बोलतील. आशा आहे, आमच्या! पण, आजही मुख्यमंत्र्यांनी भूमिका घेतली आहे की, आम्ही कुठल्याही पक्षाचे कार्यकर्ते नाहीत. तरी देखील मुख्यमंत्र्यांनी ओबीसीमधून कुठल्याही प्रकारचं आरक्षण मिळणार नाही, असे सूतोवाच केलं आहे." पण एवढ्यावर थांबून चालणार नाही. जर बोगस कुणबी प्रमाणपत्र वाटले गेली असतील तर, आजरोजी ओबीसींचं आरक्षण संपलेलं आहे, अशी भीती देखील लक्ष्मण हाके यांनी व्यक्त केली.
लक्ष्मण हाके यांनी, "मुख्यमंत्र्यांची आय-माय काढली तेव्हा, अजित पवार यागोष्टीशी सहमत आहे का? तुम्ही कायद्याचं बोला, संविधानाचं बोला, ज्या लोकांना पाठिंबा दिला आहे, त्यांना 'ओबीसी' आरक्षणाविषयी भूमिका विचारा. अजितदादांचे आमदार उघड पाठिंबा देत आहे म्हणजेच, त्यांचा पाठिंबा आहे."
''ओबीसीं'च्या राज्यात वेगवेगळ्या संघटना आहेत, सर्व संघटनांनी रस्त्यावर उतरलं पाहिजे. पुणे इथं उद्या (ता. 30) राज्यस्तरीय बैठक घेऊन आंदोलनाचा दिशा स्पष्ट करण आहोत. आम्ही संघर्षयात्रा काढू, झुंडीची भाषा सत्ताधाऱ्यांना कळत असेल, जरांगेसारखाच्या खुळचट माणसाला हे पायघड्या घालत असतील, आम्हाला सुद्धा लोकशाहीमध्ये सरकारला जी भाषा कळते, त्याच्यासाठी आम्हाला सज्ज व्हावं लागले,' असा देखील इशारा लक्ष्मण हाके यांनी दिला.
''ओबीसी'मध्ये 300-400 जाती आहेत. पण, त्या संघटित नाहीत. हेच 50 टक्के संघटित असते, तर यांची डेअरिंग होते का? आम्ही 50 टक्के एकत्र आलो तर, कसे तुमचे मुख्यमंत्री, अर्थमंत्री, महसूलमंत्री होतात, ते पाहिलं असतं. ओबीसी मंत्र्यांनी मुख्यमंत्र्याकडे शिष्टमंडळ घेऊन जावं, तसं केलं नाही तर, तु्म्हाला 'ओबीसी' माफ करणार नाही,' असाही इशारा लक्ष्मण हाकेंनी दिला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.