Maharashtra municipal elections 2026 analysis: महापौरपदासाठी भाजप आणि शिंदेंच्या शिवसेनेत सुरू असलेल्या रस्सीखेचमध्ये शिंदेंनी ठाकरेंना मोठा दणका दिला आहे. शिंदेंनी कल्याण-डोंबिवलीमध्ये उद्धव ठाकरेंचे तीन नगरसेवक फोडल्याचे वृत्त एका मराठी वृत्तवाहिनीने दिले आहे.
कल्याण डोंबिवलीमध्ये भाजप 50 तर, एकनाथ शिंदेंची शिवसेना 53 जागांवर विजयी झाला आहे. दोघेही युतीमध्ये लढले आहेत. त्यामुळे युतीची सत्ता येणार आहे.मात्र, महापौर पदासाठी दोघांमध्ये रस्सीखेंच आहे. त्यासाठी शिंदेंनी ठाकरेंच्या शिवसेनेला टार्गेट केले आहे.
ठाकरेंच्या शिवसेनेचे 11 नगरसेवक निवडून आले आहेत. त्यातील तीन नगरसेवकांना शिंदेंनी फोडल्याची चर्चा आहे. दरम्यान, ठाकरेंनी आपले नगरसेवक अज्ञातस्थळी नेले आहेत. शिंदेंना महापौरपदासाठी नऊ नगरसेवकांची गरज आहे. त्यामुळे ठाकरेंचे नगरसेवक अज्ञातस्थळी गेल्याची माहिती आहे.
ठाकरेंच्या शिवसेनेतून विजयी झालेला एक उमेदवार हा विजयानंतर श्रीकांत शिंदेंना भेटायला गेला होता. मात्र, तो मूळचा शिंदेंच्या शिवेसेनेचा आहे. तिकीट न मिळाल्याने ठाकरेंकडे गेला होेता. त्यामुळे ठाकरेंचे नगरसेवक फूटल्याची चर्चा होती. मात्र केवळ आभार मानण्यासाठी ते गेले असल्याची सांगितले जात आहे. तो नगरसेवक अजुनही ठाकरेंसोबत असल्याची चर्चा आहे.
भाजपने कल्याण डोंबिवलीमध्ये 53 जागांवर निवडणूक लढली होती. त्यामध्ये बिनविरोध तब्बल 14 नगरसेवक विजयी झाले होते. अंतिम निकालामध्ये 53 पैकी तब्बल भाजपचे 50 नगरसेवक महापालिकेत जाणार आहे. त्यामुळे भाजप देखील महापौरपदावर आपला दावा सांगणार आहे. त्यासाठी रणनीती आखली जात असल्याची चर्चा आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.