Raju Patil News : कल्याण शीळ रोडवरील नविन पलावा उड्डाण पुलाचे नुकतेच उदघाट्न होऊन तो वाहतुकीसाठी खुला करण्यात आला आहे. मात्र दोन तीन दिवसांतच पुलावर मोठ्या प्रमाणात खड्डे पडून पुलाची दुरावस्था झाली आहे. मनसेचे नेते, माजी आमदार राजू पाटील यांनी या पुलाची पाहणी करत कामाची गुणवत्ता ही अत्यंत निकृष्ट दर्जाची असल्याचे त्यांनी निदर्शनास आणून दिले होते. तसेच पुलाच्या कामाचे व्हीजेटीआय संस्थेमार्फत स्ट्रक्चरल ऑडिट करण्याची मागणी केली होती. शासनाने त्यास मंजुरी दिली आहे.
कल्याण-शिळफाटा मार्गावरील देसाई-निळजे-काटई (पलावा) या अत्यंत महत्त्वाच्या उड्डाणपुलाच्या कामात होत असलेल्या ढिसाळपणा, अर्धवट स्थिती आणि वाहतुकीस होणारा त्रास लक्षात घेता, माजी आमदार राजू पाटील यांनी 1 जून रोजी प्रत्यक्ष पाहणी केली होती. त्यावेळीच पुलाच्या कामाची गुणवत्ता ही अत्यंत निकृष्ट दर्जाची असल्याचे त्यांनी निदर्शनास आणून दिले होते. याच निरीक्षणाच्या आधारावर 3 जूनला त्यांनी मुख्यमंत्री देवेंद्र फडणवीस यांना पत्र पाठवून व्हीजेटीआय संस्थेमार्फत स्ट्रक्चरल ऑडिट करण्याची अधिकृत मागणी त्यांनी केली होती.
या मागणीची शासनाने गंभीर दखल घेतली असून, 5 ऑगस्टला सार्वजनिक बांधकाम विभागामार्फत आदेश काढून व्हिजेटिआय संस्थेमार्फत ऑडिट करण्याचे निर्देश संबंधित विभागाला देण्यात आले आहेत. तसेच, यासंदर्भात सविस्तर अहवाल सादर करण्याची सूचनाही देण्यात आली आहे.
पलावा पुलाच्या कामानंतर अवघ्या एका महिन्यात खड्डे पडलेले दिसत आहेत, जे कामाच्या गंभीर हलगर्जीपणाचे व निकृष्ट दर्जा अधोरेखित करत आहेत, असे राजू पाटील यांनी म्हटले होते. यापूर्वीही, कल्याण-शिळ रस्त्याच्या कामाच्या गुणवत्तेबाबत हरकत घेतल्यानंतर 30 पॅनल बदलण्याची नामुष्की ठेकेदारावर आली होती.
कल्याण-डोंबिवलीच्या विकासाला लागलेले ग्रहण दूर करायचे असेल, तर पालिकेत भाजपचा महापौर बसवा," असे आवाहन एका कार्यक्रमात भाजप प्रदेशाध्यक्ष रवींद्र चव्हाण यांनी केले. यावर प्रतिक्रिया देताना मनसे नेते राजू पाटील यांनी चव्हाण यांच्यावर थेट निशाणा साधत, "शिवसेनेच्या 30 वर्षांच्या सत्तेतील भाजप हा भागीदार आहे. त्यामुळे विकास थांबवणाऱ्या ‘चांदभाई’चे नाव घ्या जबाबदारीपासून पळ काढू नका, असे आवाहन दिले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.