MNS Navi Mumbai News : मनसेला मोठं खिंडार ; नवी मुंबईत बड्या नेत्याच्या हाती धनुष्यबाण ; शिवसेनेत नवी राजकीय इनिंग..

MNS Navi Mumbai Prasad Ghorpade Join Shivsena: महाराष्ट्र नवनिर्माण सेनेला (MNS) नवी मुंबईत मोठा धक्का बसला आहे.

मनसेच्या मोठ्या नेत्याने शिवसेनेत (शिंदे गट) प्रवेश केला आहे. त्यांचा शिवसेनेतील प्रवेशामुळे नवी मुंबईतील मनसेतील गळती सुरुच असल्याचे चित्र आहे. खासदार श्रीकांत शिंदे यांच्या उपस्थितीत त्यांनी शिवसेनेत प्रवेश केला आहे.

नवी मुंबई मनसे शहर प्रमुख गजानन काळे यांच्यावर गंभीर आरोप करणारे मनसेचे उपशहर प्रमुख प्रसाद घोरपडे यांनी शिवसेनेत प्रवेश केला आहे, त्यांनी दीड महिन्यांपूर्वी पदाचा राजीनामा दिला होता. शिंदे गटाकडून घोरप़डे यांच्यावर मोठी जबाबदारी सोपवण्यात आली असल्याचे सांगितले जात आहे.

त्यांच्या राजीनाम्याची मनसेत कुणीही दखल घेतली नाही, त्यांची समजूत काढण्यासाठी मनसेचा एकही नेता त्यांच्याकडे गेला नाही. पक्षनेतृत्वानेही गजानन काळे यांना समज दिली नाही. त्यामुळे नाराज असलेल्या घोरपडेंनी हाती धनुष्यबाण घेतला.

घोरपडे यांनी अखेर शिंदे गटाच्या शिवसेनेत प्रवेश करुन नव्या राजकीय इनिंगची सुरुवात केली असल्याचे राजकीय विश्लेषकांचे मत आहे.

घोरपडे यांनी मनसे अध्यक्ष राज ठाकरे यांच्याकडे राजीनामा पत्र पाठवलं होतं. हे पत्र घोरपडेंनी फेसबुकवर शेअर केलं होतं. पक्षातील माझ्या सर्व सहकारी मित्र, कार्यकर्ते व पदाधिकारी यांची प्रथम माफी मागतो कळवू इच्छितो की पक्षातील अंतर्गत बाबी याचा गेले काही महिने मी सामना करत होतो, ज्याला कंटाळून मी काल माझ्या नवी मुंबई उपशहर अध्यक्ष पदाचा राजीनामा दिला आहे. बाकी समाजासाठी माझे काम हे नेहमी चालूच राहील. तूर्तास थांबतो. जय हिंद, जय महाराष्ट्र! असे त्यांनी पत्रात म्हटलं होतं. (Latest Political News)