Raj Thackeray Video : मुंबईचा महापौर हिंदू की मराठी? राज ठाकरेंनी थेट पेशवे काळातील संदर्भ दिला

Raj Thackeray News : मुंबई महापालिका निवडणुकीत महापौर मराठी की हिंदू असा थेट सामाना भाजप आणि ठाकरे बंधूंमध्ये सुरू आहे. मुंबईचा महापौर हिंदू होईल,असे भाजप सांगत आहे तर, मुंबईचा महापौर मराठीच होणार, असे ठाकरे बंधू म्हणत आहेत. दरम्यान, आज पत्रकार परिषदेमध्ये राज ठाकरेंनी यावर थेट पेशवे काळाचा संदर्भ दिला.

राज ठाकरेंना मुंबईच्या महापौर मराठी की हिंदू असा प्रश्न पत्रकारांनी केला असता ते म्हणाले, 'पेशवेकाळात मराठी सत्तेचे केंद्र बडोदा,इंदूर येथे उभे राहिले. आता बडोद्याचा महापौर मराठी होतो का? बडोद्याचे सर्व महापौर गुजरातीच होतात ना. तसं महाराष्ट्रातील प्रत्येक शहरातील महापौर मराठीच होणार. इथे कसलं मराठी, हिंदू करतात?'

'आम्ही हिंदू आहोत हिंदी नाहीत. या शहरात मराठीच महापौर होणार, आमचाच महापौर होणार.', असे देखील राज यांनी सांगितले. उद्धव ठाकरे यांनी भाजपवर टीका करताना म्हटले की, भाजप मराठी माणसाला हिंदू समज नाहीत का?

मुंबईकर शब्द का वापरले?

शिवसेना उद्धव बाळासाहेब ठाकरे पक्ष आणि मनसेचा एकत्रित जाहीरनामा आज प्रसिद्ध करण्यात आला. त्या जाहीरनाम्यात मराठी माणूस ऐवजी मुंबईकर शब्द वापरण्यात आला आहे. त्यावर राज ठाकरे यांना विचारले असता ते म्हणाले की,जाहीरनामा हा निवडणूक आयोगाला सादर करावा लागते. मराठी माणूस शब्द वापरला असता तर तो मंजुर केला नसता. त्यामुळे मुंबईकर हा शब्द वापरला आहे.