Mumbai News : येत्या काळात विधानसभा अध्यक्ष राहुल नार्वेकर यांच्या अडचणीत वाढ होण्याची शक्यता आहे. माजी मुख्यमंत्री उद्धव ठाकरे यांनी पत्रकार परिषदेत त्याविषयी मोठे विधान केले. यावेळी उद्धव ठाकरेंनी थेट मुद्याला हात घालत विधानसभा अध्यक्ष राहुल नार्वेकर निलंबित करण्याची मागणी केली. या निवडणुकीत त्यांनी दमदाटी करण्याचा प्रकार त्यांनी केला. यावेळी नार्वेकर यांनी दुसऱ्या आमदारांचे संरक्षण काढण्याची केलेली मागणी ही चुकीची असल्याचे सांगत त्यांच्यावर गुन्हा दाखल करण्याची मागणी माजी मुख्यमंत्री उद्धव ठाकरे यांनी केली.
मुंबई महापालिका निवडणूक मनसे आणि शिवसेना ही एकत्रित लढत आहे. उद्धव ठाकरे यांची शिवसेना (Shivsena), राज ठाकरे यांची मनसे व शरद पवार यांच्या राष्ट्रवादी काँग्रेस यांच्या संयुक्त जाहीरनाम्याचे प्रकाशन माजी मुख्यमंत्री उद्धव ठाकरे, मनसेचे प्रमुख राज ठाकरे यांच्या हस्ते शिवसेनाभवन येथे रविवारी करण्यात आले. 'शिवशक्तीचा वचननामा, ठाकरेंचा शब्द' अशी त्यांच्या जाहीरनाम्याची टॅगलाईन आहे. यावेळी उद्धव ठाकरे यांनी राज्य सरकारच्या कारभारावर जोरदार हल्लबोल केला.
यावेळी उद्धव ठाकरे यांनी विधानसभा अध्यक्ष राहुल नार्वेकर यांच्या कार्यपद्धतीवर जोरदार आक्षेप घेतला. राहुल नार्वेकर हे सभागृहात सभापती आहेत, पण बाहेर ते एका पक्षाचे आमदार म्हणून वागत आहेत. विधानसभा अध्यक्ष हा कोणत्याही पक्षाच्या प्रचाराला जाऊ शकत नाही, हा लोकशाहीतील अलिखित दंडक आहे. मात्र, नार्वेकरांनी या नियमाला छेद दिला आहे. ते समोरच्या उमेदवाराचे संरक्षण काढून घेण्याची धमकी देत आहेत. त्यामुळे त्यांच्यावर तातडीने गुन्हा दाखल करून त्यांचे निलंबन झाले पाहिजे, असे उद्धव ठाकरे म्हणाले.
यावेळी त्यांनी भाजपच्या (BJP) बिनविरोध पॅटर्नवर सडकून टीका केली. बिनविरोध निवडणूक केलेल्या ठिकाणी निवडणूक आयोगाने लक्ष घातले पाहिजे. याठिकाणी पुन्हा निवडणूक घ्याला हवी, असेही उद्धव ठाकर यांनी यावेळी स्पष्ट केले. त्यासोबतच यावेळी मुंबईचा महापौर हा मराठी माणूस होणार असल्याचे राज ठाकरे यांनी यावेळी स्पष्ट केले.
गेल्या काही दिवसापासून निवडणूक आयोगाचे नाटक सुरू आहे. त्यांनी निकाल राखून ठेवला आहे, पण तो पुन्हा तोच जाहीर करतील हे नक्की आहे. जर आयोगाला स्वतःची स्वायत्तता सिद्ध करायची असेल, तर त्यांनी केवळ निकाल रोखू नये, तर तिथल्या निवडणुकाच रद्द कराव्यात. अन्यथा, तुम्ही सत्ताधाऱ्यांचे गुलाम आहात, हे लोकांमध्ये स्पष्ट जाईल, असेही उद्धव ठाकरे यावेळी म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.