Mumbai News, 10 Aug : राष्ट्रवादी काँग्रेस शरदचंद्र पवार पक्षाचे सर्वेसर्वा शरद पवार यांनी राज्याचे उपमुख्यमंत्री एकनाथ शिंदे यांच्या दिल्ली दौऱ्याबाबत केलेल्या एका वक्तव्यामुळे राजकीय चर्चांना उधाण आलं आहे.
एकनाथ शिंदेंच्या दिल्ली दौऱ्यावरून ते पुन्हा परत येण्याचे काही संकेत देत आहेत का? असा प्रश्न शरद पवारांना विचारला असता ते म्हणाले, असे कोणते संकेत वैगेरे काही नाहीत. आम्ही अशा कोणत्याही चर्चा केल्या नाहीत.
मात्र, एकनाथ शिंदेंना मी अनेक वर्षांपासून ओळखतो. त्यांचा स्वभाव असा आहे की ते कधीही जास्त बोलत नाहीत. त्यामुळे त्यांचा पुढचा मार्ग कसा असेल? याचा अंदाज लवकरच येईल." दरम्यान, एकनाथ शिंदेंनी गेल्या काही दिवसांमध्ये तीनवेळा दिल्लीवारी केली आहे.
शिंदेंच्या दिल्ली दौऱ्यांबाबत अनेक तर्कवितर्क लावले जात असतानाच शरद पवारांनी हे वक्तव्य केल्यामुळे ते महायुतीत नाराज असून काही वेगळ पाऊल उचलणार का? असंही बोललं जात होतं. तर शरद पवारांच्या या वक्तव्यावर आता खुद्द एकनाथ शिंदेंनी प्रतिक्रिया दिली आहे.
एकनाथ शिंदे म्हणाले, "शरद पवार ज्येष्ठ आणि अनुभवी नेते आहेत. आमची वाटचाल जी आहे ती बाळासाहेबांचे विचार आणि विकासाची आहे. मी दिल्लीत कुठे गेलो होतो हे सगळ्यांना माहितेय. मी पंतप्रधान नरेंद्र मोदी आणि गृहमंत्री अमित शहांना भेटलो. त्यामुळे आमची वाटचाल सरळ आहे, आम्ही कधीच तिरकस जात नाही", असं शिदेंनी स्पष्ट केलं.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.