Rohit Pawar attacks Shinde : शिवसेना नेते उपमुख्यमंत्री एकनाथ शिंदे यांचे दिल्ली दौरे जोरात सुरू आहेत. भाजप पक्षश्रेष्ठींच्या गाठीभेटी वाढवल्या आहेत. या दौऱ्यांमधून हाती काय मिळालं की नाही मिळालं, हे एकनाथ शिंदेंनाच माहिती.
पण या दौऱ्यांवरून राष्ट्रवादी काँग्रेस पार्टी शरदचंद्र पवार पक्षाचे सरचिटणीस आमदार रोहित पवार यांनी डिवचलं आहे. 'एकनाथ शिंदे, जर वारंवार दिल्लीत जात असतील, तर तीन पक्षात 'ऑल इज नॉट वेल'', असा टोला रोहित पवार यांनी लगावला आहे.
आमदार रोहित पवार (Rohit Pawar) भंडारा दौऱ्यावर आहेत. तिथं त्यांनी माध्यमांशी संवाद साधला. एकनाथ शिंदे यांच्या दिल्ली दौऱ्यावर विचारल्यावर आमदार पवार यांनी शिवसेनेला बोचणारी प्रतिक्रिया दिली. एकनाथ शिंदेंना निष्ठावान काय असतो, याची आठवण करून दिली.
रोहित पवार म्हणाले, "निष्ठावंतांचा पक्ष म्हणजे, बाळासाहेब ठाकरेंनी जो पक्ष स्थापन केला होता, तो शिवसेना (Shivsena)! तो त्यांनी फोडला आणि गुजरातमार्गे गुवाहाटीला गेले. आता दिल्लीमार्गे गुजरात आणि गुजरातवरून महाराष्ट्रात येत असेल, एक तर ते महाराष्ट्राचे माजी मुख्यमंत्री राहिलेले आहेत, आज उपमुख्यमंत्री आहेत. महाराष्ट्रात कमी आणि महाराष्ट्राच्या बाहेर जर जास्त राहत असतील तर, तीन पक्षात 'ऑल इज नॉट वेल', अशी परिस्थिती दिसते आहे".
'त्यांना कुठेतरी भीती दिसते. भाजप मुद्दामहून एकनाथ शिंदेंच्या पक्षाची ताकद कमी करतोय. म्हणून तक्रार करण्यासाठी नाहीतर, कुणासमोर त्यांची अडचण मांडण्यासाठी दिल्लीकरांसमोर जात आहेत. सर्वोच्च न्यायालयाकडून आता हालचाली सुरू झाल्या आहेत', असे म्हणत पवारांनी शिंदेंना डिवचलं.
'घड्याळ हे चिन्हं साहेबांना द्यायचं आणि धनुष्यबाण चिन्हं आहे, उद्धव ठाकरेसाहेबांना द्यायचं. तसं जर झालं एकनाथ शिंदे आणि दादांकडे एक पर्याय राहतो, पूर्ण पक्ष हा त्यांचा भाजपमध्ये विलीन करायचा आणि त्यांचे जे 90-95 आमदार निवडून आलेत, तिथं निवडणूक लावायची', अशी शक्यता आमदार पवारांनी वर्तवली.
'यात भाजप मुद्दामहून जिथं एकनाथ शिंदे आणि अजितदादांचे आमदार असतील तिथं, जरी इलेक्शन झालं, तर भाजप उमेदवार उभे करून त्यांची जे आता 132 ची संख्या आहे, ती संख्या 144 वर जाईल. ही भाजपची अपेक्षा असल्यामुळे याचं टेन्शन असल्यामुळे एकनाथ शिंदे हे वारंवार दिल्लीला जात असतील', असा अंदाज देखील आमदार पवार यांनी वर्तवला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.