Shivsena UBT : 'असुरांचा संहार करायला मशाल हाती दे...' ठाकरे गटाचे प्रचार गीत लाॅन्च

Shivsena UBT : भाजप आणि राष्ट्रवादी काँग्रेस (अजित पवार गट) यांनी विधानसभेच्या पार्श्वभूमीवर गीत तयार केले होते. आता या पक्षांच्या पाठोपाठ शिवसेना (यूबीटी) यांनी देखील नवरात्रोत्सवाच्या पहिल्याच दिवशी 'असुरांचा संहार करायला मशाल हाती दे...' हे प्रचार गीत लाॅन्च केले आहे.

उद्धव ठाकरे यांच्या हस्ते हे गीत लाॅन्च करण्यात आले. असुरांचा संहार कराया मशाल हाती दे.. सतवरी भूवरी ये ग अंबे.. सतवरी भूवरी ये.., असे या गीताचे बोल आहेत.

उद्धव ठाकरे म्हणाले, गेले दोन अडीच वर्ष आम्ही न्यायमंदीराची दार ठोठावत आहोत. हात दुखायला लागलेत. शेवटी जगदंबेलाच साकडं घातलं पाहिजे की आता तु तरी दार उघड.महिलांवरती अत्याचार होता आहे. मला खात्री आहे मनापासून हाक मारली की भक्तांच्या हाकेला आई धावून येते.

नवरात्रोत्सवाच्या शुभेच्छा देत उद्धव ठाकरे म्हणाले, जनतेच्या दरबारात ही लढाई सुरु झाली आहे. आपली आपुलकी माया आपुलकी असुद्या. सध्या जे काही अराजक माजलं आहे. सगळ्या गोष्टींचा अमित शाह यांचा समाचार दसरा मेळाव्यात घेणार आहे.