- ताज्या बातम्या
- महाराष्ट्र निवडणूक
- देश
- महाराष्ट्र
- मुंबई
- पुणे
- विश्लेषण
- विशेष
- प्रशासन
- वेब स्टोरीज
- राजकीय भविष्य
- राजकारण पॉडकास्ट
Thane News, 17 Nov : "महाराष्ट्र नवनिर्माण सेना' आता 'गुजरात नवनिर्माण सेना' झाली आहे", असं म्हणत शिवसेना उद्धव बाळासाहेब ठाकरे पक्षाचे प्रमुख उद्धव ठाकरे (Uddhav Thackeray) यांनी राज ठाकरेंवर टीका केली आहे.
ठाकरेंच्या शिवसेनेचे ठाणे विधानसभा मतदारसंघाचे उमेदवार राजन विचारे यांच्या प्रचारार्थ उद्धव ठाकरे यांनी शनिवारी ठाण्यात जाहीर सभा घेतली. यावेळी त्यांनी मनसे अध्यक्ष राज ठाकरे (Raj Thackeray) यांच्यासह मुख्यमंत्री एकनाथ शिंदेंवर सडकून टीका केली.
या सभेत बोलताना त्यांनी मनसे (MNS) आता गुनसे झाल्याची टीका करत काही लोक गुजरातला ढोकळा खायला गेले, असं म्हणत नाव न घेता त्यांनी राज ठाकरेंना टोला लगावला. उद्धव ठाकरे म्हणाले, "गुजरातला हे लोक ढोकळा खायला गेले. ठाण्यातली मिसाळ खायची ना, काही लोकांना मिसळ खूप आवडते. त्यांनी मागच्यावेळी बिनशर्ट पाठिंबा दिला आणि आता इनशर्ट पाठींबा दिला आहे.
मला विचारतात एक जागा का सोडली नाही? मी का सोडू जागा यांना लुटायला सोडायची का? कोणत्याही लुटणाऱ्या लोकांना मी जागा सोडणार नाही, असं म्हणत त्यांनी माहीम विधानसभेची जागा का सोडली नाही यावर स्पष्ट भूमिका मांडली. तर या ठिकाणी तुम्ही आता दुसऱ्यांना मतं दिली तर आता आपलं काही खरं नाही. आपण गुनसेला मत देणार का? असा उपस्थितांना सवाल करत गुजरात नवनिर्माण सेना आता मनसे नाही राहिली, गुनसे झाली असं म्हणत त्यांनी राज ठाकरेंना डिवचलं.
दरम्यान, ठाणे हे गद्दारीचं केंद्रबिंदु आहे, इथे मशाल लावली तर संपूर्ण महाराष्ट्र गद्दार मुक्त होईल, असं म्हणत त्यांनी मुख्यमंत्री एकनाथ शिंदेंवर (Eknath shinde) टीका केली. ठाकरे म्हणाले, मी ठाण्यात आलोय कारण गद्दारीचा केंद्रबिंदु इथे आहे. गद्दाराच्या बुडाला मशाल लावायची आहे. ठाण्याला गद्दारीचा कलंक लागला आहे, अशा शब्दात त्यांनी एकनाथ शिंदेंवर हल्लाबोल केला.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.