Thane News : मराठा आरक्षणाच्या मागणीसाठी मराठा समाज आक्रमक झाला असून, मराठा समाजाकडून ठिकठिकाणी उपोषणे, आंदोलने केली जात आहेत. त्यातच आता मुख्यमंत्री एकनाथ शिंदे यांचा बालेकिल्ला असलेल्या ठाण्यात मराठा समाज रस्त्यावर उतरला आहे.
जालन्यातील मराठा आंदोलनात झालेल्या अमानुष लाठी हल्ल्याच्या निषेधार्थ, तसेच मराठा आरक्षणाच्या मागणीसाठी मराठा क्रांती मोर्चा, सकल मराठा समाजातर्फे आज ठाणे बंद पुकारण्यात आला आहे.
ठाण्यातील सर्वच भागात बंदचा परिणाम दिसून येत आहे. ठाण्यातील नौपाडा भाग तसेच कोपरीतदेखील बंद ठेवण्यात आला आहे. जालन्यात झालेल्या प्रकारानंतर आज ठाणे बंदची हाक देण्यात आली आहे.
मराठा समाजाच्या रोषाला आता मुख्यमंत्र्यांना सामोरे जावे लागत आहे. ठाणे बंदला व्यापाऱ्यांनी उस्फुर्त प्रतिसाद दिला आहे. काही ठिकाणी वाहतुकीवर परिणाम झाला. सायंकाळी चार वाजता मोर्चातील सहभागी ठाणे महापालिकेसमोर जमणार आहेत.
शनिवारी राज्याचे माजी मुख्यमंत्री तथा मराठा आरक्षण उपसमितीचे माजी अध्यक्ष अशोक चव्हाण यांना देखील मराठा समाजाच्या या रोषाचा सामना करावा लागला. मराठा आरक्षणासाठी तुम्ही काय केलं? असा जाब आंदोलनकर्त्यांनी अशोक चव्हाण यांना विचारला. त्यांना घेराव घातला. जिल्ह्यातील धर्माबाद शहरात हा प्रकार घडला. या प्रकारानंतर आता भाजप नेत्यांनी त्यांचे नांदेडमधील कार्यक्रम रद्द केले आहेत.
Edited By : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.