Uddhav Thackeray News : शिंदेंच्या कार्यकर्त्यांना पळवून लावलं 'त्या' शाखेत उद्धव ठाकरे!

Kalyan : उद्धव ठाकरे कल्याणच्या दौऱ्यावर आहेत. त्यांनी आपल्या या दौऱ्यात मुख्यमंत्री एकनाथ शिंदेंसह त्यांचे पुत्र श्रीकांत शिंदे यांना टार्गेट केले आहे. कल्याणमध्ये शिंदे विरोध ठाकरे हा वाद झाला, तेव्हा एकनाथ शिंदेंच्या गटाकडून कल्याणमधील शाखा ताब्यात घेण्यास सुरुवात करण्यात आली. मात्र, कोळसेवाडीतील शाखा ताब्यात घेण्यावरून ठाकरे गट आणि शिंदे गटात मोठा वाद झाला होता. शिंदे गटाला ही शाखा ताब्यात घेण्यात यश आले नव्हते. याच शाखेला उद्धव ठाकरे भेट देणार आहेत.

उल्हासनगरची भेट झाल्यानंतर त्याचा कल्याण पूर्व येथील कोळसेवाडी या परिसरात उद्धव ठाकरे (Uddhav Thackeray) येणार आहेत. त्यामुळे परिसरात ठाकरे यांचे स्वागत ढोल-ताशा फुलांच्या पायघड्या घालून करण्यात येणार आहे. उद्धव ठाकरे येणार असल्याने या शाखेजवळ मोठ्या प्रमाणात कार्यकर्त्यांनी गर्दी केली आहे.

कोळसेवाडी ही शाखा फार जुनी असल्याने उद्धव ठाकरेंच्या शिवसेनेला कल्याण पूर्व येथे कार्यकर्त्यांचा अधिक पाठिंबा मिळतो. शिवसेनेतील फुटीनंतर नंतर कोळसेवाडी शाखा ताब्यात घेण्याचा प्रयत्न करण्यात आला तेव्हा ठाकरेंच्या कार्यकर्त्यांनी शिंदेंच्या कार्यकर्त्यांना पळवून लावले होते. त्यानंतर ही शाखा आमचीच असल्याचा दावा ठाकरे यांनी केला आणि अद्यापही ती शाखा ठाकरे गटाचे कार्यकर्त्यांनी राखून ठेवली.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

कल्याण शहरात बॅनरबाजी...

पैशांचा माज आलेले लोक लोकशाही संपायला निघाले आहेत. ज्या पक्षांनी ज्या पक्षप्रमुखांनी मोठे केलं त्यांच्याचमुळे अमाप संपत्ती गोळा केली आणि आता त्याच पक्षाला, पक्षप्रमुखाला संपून टाकत आहेत, अशी बॅनर संपूर्ण कल्याण शहरात ठाकरे गटाचे उपनेते विजय साळवी यांनी लावले आहेत. आपण एक निष्ठावान सैनिक आहात. अशा परिस्थितीत आपण पेटून उठले पाहिजे आणि सैनिकाप्रमाणे अन्यायाविरुद्ध लढायला तयार झाले पाहिजे, असेदेखील बॅनरवर लिहिले आहेत.

(Edited By Roshan More)

R...