Uddhav Thackeray : केंद्रीय निवडणूक आयोगाने दिलेल्या आजचा निकाल हा लोकशाहीच्या दृष्टीने घातक आहे. स्वातंत्र्याचा अमृतमहोत्सवी देशात बेबंदशाही सुरू झाली आहे. अशा वातारणातही न्यायव्यवस्थेवर विश्वास आहे. मात्र केंद्रीय निवडणूक आयोगाने आजचा निकाल देऊन लोकशाहीची हत्या केली, असा हल्लाबोल उद्धव ठाकरे यांनी केंद्रीय निवडणूक आयोगाच्या आयुक्तांवर केला.क
उद्धव ठाकरे (Uddhav Thackeray) यांनी केंद्रीय निवडणूक आयोगाचा अत्यंत तीव्र शब्दांत समाचार घेतला. गेल्या सहा महिन्याच्या कालावधीत केंद्रीय निवडणूक आयोगाच्या आयुक्तांनी कागदपत्रांबाबत फक्त थोतांडपणा केल्याचा आरोप त्यांनी यावेळी केला. तसेच मुख्यमंत्री एकनाथ शिंदे यांच्यावर टीका करताना ठाकरेंनी त्यांनी 'धनुष्यबाण चोर' असे म्हणाले होते. यावर आता शिंदेंनी प्रत्युत्तर दिले आहे.
"यापुढे तरी आता सुधरा, तुमच्यामध्ये सुधारणा होऊ द्या. मघाशी कोणीतरी आम्हाला चोर म्हणालं. म्हणजे आम्ही ५० आमदार चोर, १३ खासदार चोर, शेकडो नगरसेवक, हजारो कार्यकर्ते चोर आहोत? म्हणजे लाखो लोकांना तुम्ही चोर बनवताय. आणि तुम्ही एकटे साव, असा शिंदेंनी पलटवार केला.
"कधीतरी आत्मचिंतन करा. आत्मचिंतन करणार की नाही. जेवढे लोकं तुम्हाला सोडून गेले ते गुन्हेगार आणि तुम्ही मात्र बरोबर, असं कसं होऊ शकतं? याचा विचार करा तुम्ही, सुधारणा करा, आत्मचिंतन करा, असा सल्ला शिंदेंनी ठाकरेंना दिला.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.