Mumbai News : राज्य परिवहन विभागाने उच्च सुरक्षा नोंदणी प्लेट (HSRP Number Plate) लावण्यासाठी 15 ऑगस्टची मुदत दिली होती. मात्र, वाहनधारकांकडून अपेक्षित प्रतिसाद मिळत नसल्याने आता चौथ्यावेळी पुन्हा एकदा मुदतवाढ देण्यात आली आहे. राज्यातील जवळपास HSRP पासून अजून दीड कोटी वाहन वंचित असल्याचे पुढे आले आहे.
नागपूर, पुणे सारख्या अनेक जिल्ह्यांमध्ये, लोकांमध्ये जागरूकता कमी असल्याने तसेच केंद्रांची कमतरता व तांत्रिक अडचणींमुळे एचएसआरपी नंबर प्लेट बसवण्याचे प्रमाण कमी राहिले आहे. यामध्ये आरटीओ कार्यालयाकडून विशेष मोहीम राबवण्यास अपयश आल्याचे दिसत आहे. त्यामुळे आता 30 नोव्हेंबरपर्यंत मुदतवाढ देण्यात आली आहे.
राज्यात दोन कोटी वाहने आहेत. त्यापैकी आतापर्यंत केवळ 40 ते 42 लाख वाहनधारकांनी त्यांच्या वाहनास एचएसआरपी नंबर प्लेट (HSRP Number Plate) बसवली आहे. एकूण वाहनाच्या तुलनेत ही संख्या खूप कमी आहे. राज्यात 1 जानेवारीपासून नंबर प्लेट बसविण्यास सुरुवात झाली आहे. मात्र, गेल्या आठ महिन्याच्या काळात नंबर प्लेट बसविण्यास अल्प प्रतिसाद आहे. एकीकडे याबाबत वाहनधारकांत उदासीनता आहे तर दुसरीकडे परिवहन कार्यालयाकडून विशेष प्रयत्न होताना दिसत नाहीत. त्यामुळे गेल्या काही दिवसांत उच्च सुरक्षा नोंदणी प्लेट लावण्याचे प्रमाण अत्यंत कमी झाले आहे.
पुणे शहरात उच्च सुरक्षा नोंदणी प्लेट लावण्यासाठी सुमारे 25 लाख वाहने पात्र आहेत. त्यापैकी साडेपाच लाख वाहनधारकांनी प्लेट बसवली आहे. परिवहन विभागाने आता साडेतीन महिन्याची मुदत दिली आहे. ही मुदत अंतिम असल्याचे जाहीर केले आहे.
त्यामुळे 1 डिसेंबरपासून ज्यांच्याकडे उच्च सुरक्षा नोंदणी प्लेट नसणार आहे, अशा वाहनांवर कारवाई करण्याचे आदेश वायुवेग पथकाला दिले आहेत. मोटार वाहन कायदा कलम 177 अन्वये वाहनास एचएसआरपी नंबर प्लेट नसेल तर वाहनावर एक हजार रुपये दंड आकारण्याचा निर्णय घेण्यात आला आहे. शिवाय आरटीओ कार्यालयाशी संलग्न कामे न करण्याचा निर्णय घेतला आहे.
तीनवेळा देण्यात आली मुदतवाढ
गेल्या काही दिवसापासून तीन वेळा वाहनास एचएसआरपी नंबर प्लेट बसवण्यासाठी मुदत देण्यात आली आहे. मात्र, वाहनधारकांचा प्रतिसाद वाढत नसल्याचे समोर आले आहे. सुरवातीला 31 मार्च 2025 ची मुदत देण्यात आली होती. त्यानंतर 30 जून मुदत देण्यात आली. त्यावेळीही प्रतिसाद लाभत नसल्याने त्यानंतर 15 ऑगस्टपर्यंत तीन वेळा मुदत वाढविली गेली आहे. परंतु नागपूर, पुणे सारख्या अनेक जिल्ह्यांमध्ये, लोकांमध्ये जागरूकता कमी असल्याने तसेच केंद्रांची कमतरता व तांत्रिक अडचणींमुळे एचएसआरपी नंबर प्लेट बसवण्याचे प्रमाण कमी राहिले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.