Baramati Assembly Bypoll Results : बारामती विधानसभा निवडणुकीत बिचकुले, करुणा मुंडेंची अब्रुच निघाली, पहिल्या फेरीत अवघी 7 मतं

Sunetra Pawar News : बारामती विधानसभा निवडणुकीचा निकाल जाहीर करण्यात येत आहे. या निकालामध्ये पहिल्या दोन फेऱ्याची मतमोजणी पुर्ण झाली आहे. दोन्ही फेऱ्यांमध्ये १६ हजार ८४३ मतांची मोजणी झाली. त्यामध्ये सुनेत्रा पवार यांना १६ हजार ५४३ मतदान झाले आहे.तर, विरोधकांना अवघे 300 मतं या दोन फेऱ्यांमध्ये मिळाली आहेत.

सुनेत्रा पवार यांच्या विरोधात करुणा मुंडे, अभिजित बिचकुले हे देखील निवडणुकीच्या मैदानात होते. मात्र, पहिल्या फेरीत सुनेत्रा पवार यांना 8 हजार 868 मतं मिळाली तर,

अभिजीत बिचकुले यांना केवळ 7 तर, करुणा मुंडे यांना फक्त 10 मतं मिळाली आहेत. तर, चंद्रकात वाघमोडे या उमेदवाराला 5 मतं मिळाली आहेत.

अजित पवार यांच्या निधनानंतर बारामतीमध्ये पोटनिवडणूक होत आहे. या निवडणुकीत सर्व प्रमुख राजकीय पक्षांनी माघार घेत सुनेत्रा पवार यांना पाठींबा देण्यात आला होता. मात्र, अपक्ष उमेदवार निवडणुकीच्या मैदानात असल्याने येथे बिनिवरोध निवडडणूक झाली नाही.

सुनेत्रा पवारांचा एकतर्फी विजय...

सुरुवातीच्या कलांमध्ये सुनेत्रा पवार हे मोठ्या प्रमाणात आघाडीवर दिसून येत आहे. अपक्ष उमेदवार दुहेरी मतदान देखील पहिल्या फेरीत मिळवू शकले नाहीत. त्यामुळे सुनेत्र पवार या एकतर्फी विजय होतील असा अंदाज आहे.