Pune News : राज्यात स्थानिक स्वराज्य संस्थांच्या निवडणुकांची रणधुमाळी सुरू आहे. महापालिका निवडणुकांमध्ये महायुतीतील मित्रपक्ष एकत्र लढणार की वेगळे याबाबत अद्याप स्पष्ट झालेली नाही. मात्र, नगरपालिका आणि नगरपंचायतींच्या निवडणुकांमध्ये बहुतांश ठिकाणी महायुतीतील मित्रपक्ष एकामेकांसमोर ठाकले असल्याचे पाहायला मिळत आहेत. याचं निवडणुकांच्या अनुषंगाने काही दिवसांपासून भाजपचे नेते उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांच्यावर निशाणा साधताना दिसत आहेत.
काही दिवसांपूर्वीच मंत्री चंद्रकांत पाटलांनी भोरमध्ये उपमुख्यमंत्र्यांपेक्षा मुख्यमंत्री महत्त्वाचा अशा आशयाचे विधान करत अजित पवारांना कमी दाखवण्याचा प्रयत्न केला. त्यासोबतच निधी वाटपाचा मुद्दा अजित पवार (Ajit Pawar) यांनी काढल्यानंतर चंद्रकांत पाटील यांनी तिजोरीच्या चाव्या आपल्याकडे असल्याचे सांगत मुख्यमंत्री देवेंद्र फडणवीस यांच्याशिवाय ही तिजोरी उघडतच नसल्याची खोचक टीका चंद्रकांत पाटील यांनी केली होती.
यानंतर आता दुसरे भाजपचे (BJP) नेते सुधीर मुनगंटीवार यांनी देखील एकाच कंपनीच्या कमी अधिक सीसी इंजिनच्या गाड्या असतात असं उदाहरण देत पुन्हा एकदा अजित पवारांना डिवचण्याचा प्रयत्न केला असल्याचे बोलले जात आहे.
नगरपालिका आणि नगरपंचायतीच्या निवडणुकीच्या प्रचाराच्या निमित्ताने बोलताना सुधीर मुनगंटीवार म्हणाले, 'केंद्रात आणि राज्यात आमचे सरकार असून विकासाभिमुख दृष्टिकोन आमच्या पक्षाचा आहे. त्यामुळे आमचे मित्र पक्ष असले तरी कामाची क्षमता ही कधीही आमच्या पक्षाची जास्त आहे.'एकाच कंपनीच्या गाडीना जास्त सीसीचे इंजिन असते तर त्याच कंपनीच्या दुसऱ्या गाडीचे कमी सीसीचे इंजिन असते. त्यामुळे विकासाचा वेग पाहिजे असेल तर हायेस्ट सीसी असलेली गाडी ही भाजपची आहे.
मित्रपक्ष जरी आमच्याकडे अर्थखाते आहे, असे सांगत असेल तर माझ्याकडे देखील अर्थखाते होते. मी देखील 5 वर्ष 17 दिवस अर्थमंत्री होतो, मात्र अर्थखाते आपल्याकडे असलं तरी त्या बजेटवर शिक्कामोर्तब मुख्यमंत्र्यांनी करावे लागते, जर सर्व अधिकार अर्थ खात्यालाच असते तर मग कोणालाच मुख्यमंत्री होण्याची इच्छा राहिली नसती सर्वांनाच अर्थमंत्री होण्याची इच्छा राहिली असती असा खोचक टोला सुधीर मुनगंटीवार यांनी अप्रत्यक्षपणे अजित पवार यांना लगावला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.