Baramati, 24 June : माळेगाव सहकारी साखर कारखान्याच्या सायंकाळी सातपर्यंत मोजलेल्या मतांच्या पहिल्या टप्यात उपमुख्यमंत्री अजित पवार यांच्या नेतृत्वाखाली नीळकंठेश्वर पॅनेलचे चार, तावरे गटाच्या सहकार बचाव पॅनेलचा एक उमेदवार आघाडीवर आहे. आतापर्यंत अनुसूचित जाती जमाती, इतर मागास, भटक्या जाती जमाती आणि महिला राखीव प्रवर्गातील सुमारे सरासरी आठ हजार मते मोजून झाली आहेत आणि आठ हजार मते मोजण्याचे काम बाकी आहे. ती मोजल्यानंतर चित्र स्पष्ट होणार आहे. मात्र, सायंकाळी सातपर्यंत अजितदादांचे गटाचे चार, तर तावरे गटाचा एक उमेदवार आघाडीवर आहे. मात्र, सध्या काँटे की टक्कर सुरू आहे.
दरम्यान, उपमुख्यमंत्री अजित पवार हे ‘ब’ वर्ग मतदारसंघातून सकाळीच विजयी झाले आहेत. त्यांनी 101 मतांपैकी 91 मते घेतली असून त्यांचे विरोधक भालचंद्र देवकाते यांना 10 मतांवर समाधान मानावे लागले आहे, त्यामुळे अजित पवारांचे पॅनेल सायंकाळी सातपर्यंत एका विजयासह पाच जागांवर आघाडीवर आहेत, तर विरोधी तावरे गटाचा उमेदवार महिला प्रवर्गातून आघाडीवर आहे. महिला राखीव गटात तावरे गटाच्या एक उमेदवार 63 मतांनी आघाडीवर आहे.
माळेगाव सहकरी साखर कारखान्याच्या निकालात सायंकाळी सातपर्यंतच्या मतमोजणीत मतदारसंघ व पॅनेलनिहाय उमेदवारांना पडलेली मते आणि आघाडीवरील उमेदवार पुढीलप्रमाणे
अनुसूचित जाती जमाती मतदारसंघ
रतनकुमार भोसले (अजित पवार गट) : 4117 (नीळकंठेश्वर पॅनेल आघाडीवर)
बापूराव गायकवाड (चंद्रराव तावरे गट) : 3717 (सहकार बचाव पॅनेल)
राजू भोसले श्रीरंग (तुतारी) : 417 (शरद पवार गट)
इतर मागास प्रवर्ग
नितीन वामनराव शेंडे (अजित पवार गट) : 4120 (नीळकंठेश्वर पॅनेल आघाडीवर)
रामचंद्र नाळे (चंद्रराव तावरे गट) : 3644 (सहकार बचाव पॅनेल)
भरत बनकर (तुतारी) : 437 (शरद पवार गट)
भटक्या जाती जमाती प्रवर्ग
विलास ऋषिकांत देवकाते (अजित पवार गट) : 4269 (नीळकंठेश्वर पॅनेल आघाडीवर)
सूर्याची तात्यासाहेब देवकाते (चंद्रराव तावरे गट) : 3288 (सहकार बचाव पॅनेल)
ज्ञानदेव बुरुंगले (तुतारी) : 566 (शरद पवार गट)
महिला राखीव प्रवर्ग
संगीता बाळासाहेब कोकरे (अजित पवार गट) : 2161 (नीळकंठेश्वर पॅनेल आघाडीवर)
राजश्री कोकरे (चंद्रराव तावरे गट) : 2022 (सहकार बचाव पॅनेल आघाडीवर)
ज्योती मुलमुले (अजित पवार गट) : 1959 (नीळकंठेश्वर पॅनेल पिछाडीवर)
...........................................
ब वर्ग प्रवर्ग
अजित अनंतराव पवार : 91 मते (विजयी)
भालचंद्र बापूराव देवकाते (चंद्रराव तावरे गट) : 10 मते (पराभूत)
ऊस उत्पादक मतदारसंघात चुरस
सर्वसाधारण ऊस उत्पादक मतदारसंघाच्या माळेगाव गटातून उपमुख्यमंत्री अजित पवार यांच्या नीळकंठेश्वर पॅनेलचे रंजित जाधवराव यांना 396 मते मिळाली आहेत, तर विरोधी तावरे गटाचे उमेदवार गजानन काटे यांना 250 मतं मिळाली आहेत, अजितदादांच्या पॅनेलचे रंजीत जाधवराव हे 146 मतांनी पुढे आहेत. तसेच, पवार गटाचे राजेंद्र बुरुंगले यांना 321 मते मिळाली आहेत, तर तावरे गटाचे रमेश गोफणे यांना 197 मतं मिळाली आहेत, राजेंद्र बुरुंगले हे 124 मतांनी पुढे आहेत.
कारखान्याचे माजी अध्यक्ष तथा अजितदादांचे खंदे समर्थक बाळासाहेब तावरे यांना 366 मते मिळाली आहेत, तावरे गटाचे प्रमुख असललेले रंजन तावरे यांना 313 मते मिळाली आहेत, त्यात बाळासाहेब तावरे 53 मतांनी आघाडीवर आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.