Gopichand Padalkar News : अहिल्यादेवी होळकर यांच्या जयंती निमित्त कार्यक्रमाचे आयोजन केले जाणार आहे. या कार्यक्रमाची माहिती देण्यासाठी आमदार गोपीचंद पडळकर यांनी पत्रकार परिषद घेतली. हा कार्यक्रम पुण्यातील रेस कोर्स मैदानावर होणार असल्याचे त्यांनी सांगितले. जयंतीच्या कार्यक्रमासाठी राजकीय नेत्यांना निमंत्रणे देणार असल्याचेही त्यांनी जाहीर केले.
पडळकर म्हणाले, कार्यक्रमाला अमित शाह यांचे येणे अपेक्षित आहे. देवाभाऊ, एकनाथ शिंदें, चंद्रशेखर बावनकुळे, रवींद्र चव्हाण यांनी देखील कार्यक्रमाचे निमंत्रण देणार आहोत. तेव्हा पत्रकारांनी अजित पवार यांना निमंत्रण देणार का? असा प्रश्न केला असता ते म्हणाले, 'अजित पवारांना निमंत्रण देणार नाही. हा सरकारी कार्यक्रम नाही. धनगरांचा कार्यक्रम आहे.'
वाघ्या कुत्र्याच्या पुतळ्याला 20 पोलिसांचे संरक्षण देण्याचीही मागणी पडळकर यांनी केली. ते म्हणाले, 'हे खुसपट संभाजी ब्रिगेडने काढले आहे. शरद पवारांना फाॅर असणाऱ्या संघटना, इतिहासकार नवीन इतिहास शोधून काढतात. शरद पवारांकडे आत्ता वेळच वेळ आहे त्यामुळे त्यांनी नवीन इतिहास लिहून काढावा.'
छत्रपती शिवाजी महाराजांचा इतिहास काही इतिहासकार मोडतोड करून लिहित आहेत. जीवा महाल, शिवा काशीद यांच्याबद्दल एक पान देखील लिहले गेले नाही. बाजीप्रभू देशपांडे यांचा इतिहास देखील चुकीचा आहे. हे बोलायला कमी करणार नाहीत, असा टोल संभाजी ब्रिगेडला पडळकरांनी लगावला.
ब्राम्हण समजाला बदनाम करण्याचे षडयंत्र संभाजी ब्रिगेडकडून केले जात आहे. माझा त्यांना सवाल आहे तुमच्या आई-बापाचं लग्न ब्राम्हणाने लावलं तर मग त्यांनी बायको सोडायची का? तुमची लग्न, वस्तुशांती ब्राम्हणाने केली मग तुम्ही बायको आणि घर सोडणार का? असा सवाल देखील पडळकर यांनी केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.