Pune News : पंतप्रधान नरेंद्र मोदी यांचा 75 वा वाढदिवस देशभरात साजरा करण्यात आला. मोदी यांना 75 वर्षे पूर्ण झाल्यानंतर आता ते रिटायरमेंट घेतील, अशी चर्चा राजकीय वर्तुळात सुरू आहे. त्यामुळे मोदी यांनी रिटायरमेंट घेतल्यानंतर पुढील भाजपचा पंतप्रधान पदाचा उमेदवार कोण असणार या वर चर्चांचे खल सुरू असतानाच काँग्रेसचे प्रदेशाध्यक्ष हर्षवर्धन सपकाळ यांनी देवेंद्र फडणवीस हे पुढचे पंतप्रधान होण्यासाठी तयारी करत असल्याचा गौप्यस्फोट केला आहे.
पुण्यामध्ये पत्रकार संघातर्फे आयोजित वार्तालाभ कार्यक्रमांमध्ये हर्षवर्धन सपकाळ म्हणाले, 'देवेंद्र फडणवीस हे नागपूरचे रहिवासी आहेत. त्यामुळे रेशीम बागेचं वारं हे त्यांच्या कानावर लवकर येते.तिथून त्यांना संकेत आले आहेत की 75 वर्ष झाल्यानंतर मोदी यांचा राजीनामा आम्ही घेणार आहोत. त्याबाबतच्या सूचना देखील पंतप्रधान नरेंद्र मोदी यांना रेशीम बागेतून देण्यात आली असल्याचं सूत्र सांगतात. त्यामुळे मोदीचे जाणार आणि नवीन पंतप्रधान होणार, अशी माहिती देवेंद्र फडणवीस यांच्याकडे आहे.'
देवेंद्र फडणवीस यांना पंतप्रधान पदाची स्वप्न पडत आहेत . पंतप्रधान नरेंद्र मोदी यांच्याकडे दोन राष्ट्रीय शेठ आहेत. त्या शेठ लोकांना नरेंद्र मोदी यांनी गडगंज केले आहे हे सर्वश्रुत आहे. त्याचप्रमाणे देवेंद्र फडणवीस हे कंबोज या व्यक्तीला गडगंज करत आहेत. जेणेकरून पंतप्रधान पदासाठी जेवढा मसाला लागेल तेवढा जमा करण्याची जबाबदारी त्यांना देण्यात आली आहे.
मुंबई दिल्लीश्वराच्या आदेशाने अडाणीच्या घशामध्ये टाकल्यानंतर उर्वरित मुंबई कंबोज यांना देण्याची प्रक्रिया फडणवीस यांनी सुरू केली आहे. त्यांना एवढी संसाधन दिल्लीत गेल्यानंतर वापरता येईल यासाठी तजवीज केली असल्याची टीका सपकाळ यांनी केली.
2014 ते 2019 दरम्यान देवेंद्र फडणवीस मुख्यमंत्री असताना त्यांची चांगली प्रतिमा होती सध्या ते कोणाचा ऐकून घेत नसले तरी तेव्हाची प्रतिमा त्यांच्या कामी येत आहे. तसेच हिंदी भाषिक प्रांतामध्ये मी महाराष्ट्रामध्ये हिंदी भाषा महाराष्ट्रात लागू केली. हे दाखवून त्यांना हिंदी भाषिक प्रांतांमध्ये आपली स्वीकार्यता वाढून घ्यायचा आहे. या सर्व गोष्टी आणि त्यांच्या बोलतानाचा अविर्भाव या सगळ्या गोष्टी बघितल्यानंतर त्यांना रात्रीच नाही तर दिवसादेखील पंतप्रधान बनण्याची स्वप्न पडू लागली आहेत, असे सपकाळ म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.