RSP Vidhan Sabha News : जानकरांनी पहिला डाव टाकला! 'रासप'च्या 25 उमेदवारांची यादी जाहीर, बारामतीतून कोण?

Assembly Election 2024 : लोकसभा निवडणुकीत महायुतीशी घरोबा केलेले आणि परभणी लोकसभा मतदारसंघातून निवडणूक लढवलेले राष्ट्रीय समाज पक्षाचे नेते महादेव जानकर (Mahadev Jankar) यांनी विधानसभा निवडणुकीत 'एकला चलो'चा नारा दिला आहे.

शिवाय त्यांनी विधानसभेच्या 288 जागांवर उमेदवार रासपचे उमेदवार उभे केले जाणार असल्याची घोषणा नुकतीच केली होती.

त्यानुसार रासपच्या (RSP) पहिल्या 25 उमेदवारांची यादी दोन दिवसांत जाहीर केली जाणून असून या उमेदवारांची संभाव्य यादी साम टीव्ही हाती आली आहे. सुत्रांनी दिलेल्या माहितीनुसार 'रासप'च्या पहिल्या यादीत सुमारे 25 उमेदवारांना तिकीट मिळणार आहे. तर मागील अनेक वर्षांपासून रासपचे काम करणाऱ्या निष्ठावान पदाधिकाऱ्यांना या यादीत संधी मिळणार आहे.

रासपच्या संभाव्य उमेदवारांची यादी पुढीलप्रमाणे -

बारामती (जि. पुणे) - संदीप चोपडे

संदीप चोपडे हे बारामती (Baramati) रासपचे जिल्हाध्यक्ष राहीले असून ते पुणे जिल्हा नियोजन समितीचे माजी सदस्य आहेत.

इंदापूर (जि. पुणे) - तानाजी शिंगाडे (पुणे जिल्हा नियोजन समितीचे सदस्य.)

पाटण (जि. सातारा) - विठ्ठल यमकर

जत (जि. सांगली) - अजितकुमार पाटील

सांगोला (जि. सोलापूर) - आबा मोटे

अक्कलकोट (जि. सोलापूर) - सुनील बंडगर

पनवेल (जि. रायगड) - सुदाम जरग

परंडा (जि. धाराशिव) - नाना मदने

तुळजापूर (धाराशिव) - आश्रुबा कोळेकर

आष्टी पाटोदा (जि. बीड) - शिवाजी शेंडगे

राहुरी (जि. अहिल्यानगर) - नाना जुनधारे

अंबरनाथ (जि. ठाणे) - रूपेश थोरात

जिंतूर (जि. परभणी) - अशोक हाके