
Pune News – उपमुख्यमंत्री अजित पवार यांच्याकडून पुणे शहर राष्ट्रवादी काँग्रेसच्या नेतृत्वात महत्त्वपूर्ण बदल करण्यात आले आहेत. माजी उपमहापौर दीपक मानकर यांच्या राजीनाम्यानंतर, पक्षाने दोन नवे शहराध्यक्ष नियुक्त केले आहेत.
वडगाव शेरीचे माजी आमदार सुनील टिंगरे यांची पूर्व पुण्याच्या शहराध्यक्षपदी नियुक्ती केली आहे. त्यांच्याकडे कसबा, पुणे कॅन्टोन्मेंट, हडपसर आणि वडगाव शेरी या विधानसभा मतदारसंघांची जबाबदारी असेल.
निवडणुकीमध्ये झालेल्या पराभवानंतर सुनील टिंगरे यांच्यावर उपमुख्यमंत्री अजित पवार यांनीही महत्त्वाची जबाबदारी सोपवली आहे. त्यामुळे आगामी काळामध्ये या भागांमध्ये राष्ट्रवादी काँग्रेसची जास्तीत जास्त नगरसेवक निवडून पुण्याचे जबाबदारी सुनील टिंगरे यांच्यावर असणार आहे.
माजी सभागृहनेते सुभाष जगताप यांना पश्चिम पुण्याच्या शहराध्यक्षपदी नियुक्त करण्यात आले आहे. त्यांच्याकडे खडकवासला, शिवाजीनगर, कोथरूड आणि पर्वती या विधानसभा मतदारसंघांची जबाबदारी असेल. जगताप यांच्या अनुभवामुळे या भागांमध्ये पक्षाची ताकत वाढविण्याचा प्रयत्न पक्षातून करण्यात आला आहे तसेच जातीय समीकरणांचा मेळ यातून साधण्याचा प्रयत्न या नियुक्तीतून करण्यात आल्याचे बोलत जात आहे.
आगामी निवडणुकीच्या पार्श्वभूमीवर घेण्यात आलेला हा निर्णय मास्टर स्ट्रोक असल्याचं बोललं जात आहे. पुण्याच्या वाढलेला विस्तार पाहता अजित पवार यांनी दोन शहराध्यक्ष यांची नियुक्ती केली आहे. आगामी महापालिका निवडणुकीचे बिगुल वाजला असून महापालिकेची जाण असणाऱ्या नेत्यांना शहराध्यक्षपदाची जबाबदारी देण्यात आली आहे.
दोन शहराध्यक्षांसोबतच आता चार कार्याध्यक्षांची नियुक्ती देखील राष्ट्रवादी काँग्रेसकडून करण्यात येणार आहे. त्याची घोषणा देखील लवकरच करण्यात येईल, असं उपमुख्यमंत्री अजित पवार यांनी सांगितला आहे. आज आमदार चेतन तुपे यांच्या उपस्थितीमध्ये झालेल्या बैठकीनंतर या शहराध्यक्ष पदाबाबतचा निर्णय घेण्यात आल्याचे समोर आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.