PMC News : अजितदादांच्या निधनाच्या दु:खाचे सावट, पुणे महापालिकेकडून सांस्कृतिक कार्यक्रम; खासदार मोहोळ संतापले

Murlidhar Mohol's reaction to PMC cultural programs: उपमुख्यमंत्री अजित पवार यांचे विमान दुर्घटनेत 28 जानेवारीला निधन झाले. त्यांच्या निधनाने महाराष्ट्रावर दु:खाचे सावट आहे. अजिदादांच्या निधनाने मुख्यमंत्री देवेंद्र फडणवीस यांनी जिल्हा परिषद निवडणुकीचा प्रचार देखील केला नाही.

जिल्हा परिषदेच्या निवडणुकीतील सभा, रॅली रद्द करण्यात आल्या होत्या. मात्र, पुणे महापालिकेच्या वर्धापन दिना निमित्त अजब निर्णय घेत सांस्कृतिक कार्यक्रमाचे आयोजन 15 फेब्रुवारील करण्यात आले. विशेष म्हणजे या कार्यक्रमात नाच गाणे होणार होते.

अधिकाऱ्यांच्या या निर्णायवर संताप व्यक्त केला जात आहे. खासदार, केंद्रीय मंत्री मुरलीधर मोहोळ यांनी देखील या निर्णयाविषयी समजल्यानंतर त्यांनी संताप व्यक्त करत हा कार्यक्रम रद्द करण्याच्या सूचना केल्या. मिळालेल्या माहितीनुसार महापालिकेने 15 फेब्रुवारीचा कार्यक्रम रद्द केला आहे.

दरम्यान, अजित पवारांच्या निधनानंतर शोककाळात असा कार्यक्रमाचे आयोजन करणे कितीपत योग्य आहे, असा सवात उपस्थित केला जात आहे. अधिकाऱ्यांनी कार्यक्रमाचे आयोजन करताना किमान परिस्थितीचे भान ठेवायला हवे होते, अशी देखील चर्चा आहे.

महापौर निवडीनंतर आनंदोत्सव नाही

पुणे महापौर निवडणूक 9 फेब्रुवारीला होणार आहे. भाजपचा महापौर होणे ही केवळ औपचारिकता राहिली आहे. मात्र, महापौर निवडीनंतर कोणताही आनंदोत्सव साजरा केला जाणार नाही, असा निर्णय भाजपच्या वरिष्ठ नेत्यांनी घेतला आहे.

अपघाताच्या प्राथमिक अहवालात काय?

साम टिव्हीने दिलेल्या वृत्तानुसार विमानाचा अपघात केवळ तांत्रिक बिघाडामुळे झाले नाही. सुत्रांच्या हवाल्याने म्हटले आहे की, प्राथामिक अहवालात म्हटले आहे की, अपघात केवळ तांत्रिक बिघाडामुळे नाही तर विमानाच्या लँडिंगचा अँगलच चुकला असल्याचे म्हटले आहे.