Pune Congress : 'भाजपशी लढायचं सोडून आपापसात लढतोय, अध्यक्ष आता तरी ऐकून घ्या...', पुण्यातील काँग्रेस बैठकीत वाद

Pune News, 28 Sep : राज्यातील आगामी स्थानिक स्वराज्य संस्थांच्या निवडणुकीच्या पार्श्वभूमीवर शनिवारी पुण्यात काँग्रेस भवन येथे पश्चिम महाराष्ट्रातील काँग्रेस पक्षाच्या पदाधिकाऱ्यांची जिल्हानिहाय आढावा बैठक पार पडली. या बैठकीत काँग्रेस कार्यकर्त्यांनी आपला रोष प्रदेशाध्यक्ष हर्षवर्धन सकपाळ यांच्याकडे व्यक्त केला.

यामुळे काही काळ बैठकीमध्ये वादच स्वरूप पाहायला मिळालं. स्थानिक स्वराज्य संस्थांच्या निवडणुकीच्या पार्श्वभूमीवर झालेल्या या बैठकीला काँग्रेसच्या अनेक दिग्गज नेत्यांनी उपस्थिती लावली. यामध्ये प्रदेशाध्यक्ष हर्षवर्धन सपकाळ, पक्षाचे महाराष्ट्र प्रभारी रमेश चेन्नीथला, सह प्रभारी बी. एम. संदिप, सोलापूरच्या खासदार प्रणिती शिंदे, विधान परिषदेतील गटनेते व निरीक्षक सतेज (बंटी) पाटील आणि राज्यभरातील महत्वाचे नेते-पदाधिकारी उपस्थित होते.

पश्चिम महाराष्ट्राच्या बैठकीत पुण्याची बैठक हा कळीचा मुद्दा ठरला. पुण्यातील काँग्रेसमधील गटबाजी ही काही नवीन नाही. प्रत्येक बैठकीमध्ये काही ना काही वादाचे प्रसंग हे नेहमीच घडताना पाहायला मिळतात. तसे ते या बैठकीत देखील पाहायला मिळाला.

बैठकीमध्ये सुरुवातीला प्रदेशाध्यक्षांनी शहराध्यक्ष आणि त्यानंतर मंडलाध्यक्षांची आगामी महापालिका निवडणुकीबाबतची भूमिका जाणून घेतली. यावेळी मंडलाध्यक्षांना प्रत्येक प्रभागांमध्ये निवडणूक लढवण्यासाठी किती इच्छुक उमेदवार आहेत. याबाबत विचारणा करण्यात आली तसेच आगामी निवडणुका या महाविकास आघाडी म्हणून लढायच्या की 'एकला चलो ची' भूमिका घ्यायची असं देखील विचारण्यात आलं.

यावेळी बहुतांश जणांनी एक लाख चलो ची भूमिका योग्य असून आगामी महापालिका निवडणुका या काँग्रेसने स्वबळावर लढाव्यात असं सांगितलं. बैठक संपत आली तरी कार्यकर्त्यांची भूमिका जाणून घेण्यात आली नाही . प्रदेशाध्यक्ष हे फक्त शहराध्यक्ष आणि मंडल अध्यक्षांचा ऐकून घेत असल्याचं पाहून उपस्थित कार्यकर्त्यांनी आपल्या आपली नाराजी व्यक्त करण्यास सुरुवात केली.

स्थानिक परिस्थिती समजून घेण्यासाठी आला असाल तर कार्यकर्त्यांचे देखील ऐकून घ्या अशी मागणी काही काँग्रेस कार्यकर्त्यांनी केली. यावेळी काँग्रेस शहर उपाध्यक्ष मुक्तार शेख यांनी देखील आमचं ऐकून घ्या आमचं देखील तुम्हाला ऐकून घ्यावा लागेल सध्याची पुण्यातील परिस्थिती काय आहे ते तुम्हाला आमचं ऐकून घेतल्यानंतरच कळेल असं सांगितलं.

आगामी महापालिका निवडणुकीत आपल्याला भाजप विरोधात लढायचं आहे. मात्र सध्या आपण आपल्यातच लढत आहोत असं चित्र आहे. फक्त मंडल अध्यक्षांचा ऐकूनच पुण्यातील खरी परिस्थिती कळणार नाही. त्यासाठी कार्यकर्त्यांशी संवाद साधावा आणि आगामी महापालिकेचे नियोजन करावे अशी मागणी मुख्तार शेख यांनी अध्यक्षांसमोर केली. मात्र, अध्यक्षांनी आमचं ऐकून घ्यावे लागेल असं सांगितलं. आम्ही तुमचा ऐकतो पण तुम्ही देखील ऐका असं काँग्रेसच्या नाराज कार्यकर्त्यांनी सांगितलं यामुळे काही काळ बैठकीमध्ये वादाचा प्रसंग निर्माण झाला.