PMC News: पुणे महापालिकेची निवडणूक झाल्यानंतर प्रशासनाने १५ क्षेत्रीय कार्यालयांच्या हद्दीची पुनर्रचना केली असून, यामध्ये भाजप १४ तर काँग्रेसकडे १ क्षेत्रीय कार्यालय असणार आहे. तर भाजपच्या खेळीमुळे मित्रपक्ष असलेल्या राष्ट्रवादी काँग्रेसचे २७ नगरसेवक असूनही एकही कार्यालय ताब्यात ठेवता आलेलं नाही. या राजकीय डावपेचात क्षेत्रीय कार्यालय लांब पडणार असल्याने नागरिकांचे पाच वर्षे हाल होणार आहेत.
पुणे महापालिकेत ३२ गावे समाविष्ट झाल्यानंतर तेथील जवळ असलेल्या क्षेत्रीय कार्यालयाला ही गावे जोडण्यात आली आहेत. पण काही ठिकाणी क्षेत्रीय कार्यालय सोईचे होते तर काही ठिकाणी लांब पडत होते. त्यामुळे महापालिका निवडणुकीनंतर नगरसेवकांनी क्षेत्रीय कार्यालय बदलून द्यावे अशी मागणी केली होती. महापालिका आयुक्तांच्या आदेशानंतर सामान्य प्रशासन विभाग आणि निवडणूक विभागाने लोकसंख्येच्या प्रमाणात क्षेत्रीय कार्यालयांची नवीन हद्द निश्चित केली आहे. तर काहींची नावे बदलली आहेत. क्षेत्रीय कार्यालयांच्या हद्दी बदलताना भाजपच्या नगरसेवकांच्या मागण्या पूर्ण झाल्या आहेत.
क्षेत्रीय कार्यालयाची पुनर्रचना करताना नगर रस्ता क्षेत्रीय कार्यालय आणि येरवडा क्षेत्रीय कार्यालयात पूर्वी जे प्रभाग येत होते त्यात बदल केले आहेत. त्याचा फटका राष्ट्रवादी काँग्रेसला बसला असून, २७ नगरसेवक असूनही त्यांच्या वाट्याला एकही प्रभाग समिती आलेली नाही. काँग्रेसचे १५ नगरसेवक असताना त्यांच्या वाट्याला वानवडी क्षेत्रीय कार्यालय आले आहे. तर भाजपच्या ताब्यात १४ क्षेत्रीय कार्यालय असणार आहेत.
२०१७ मध्ये १, २ आणि ६ हे प्रभाग येरवडा क्षेत्रीय कार्यालयात होते. या तीन प्रभागात २०२६ मध्ये राष्ट्रवादीचे ५, काँग्रेसचे ४ आणि भाजपचे ३ नगरसेवक आहेत. पण या पुनर्रचनेत येरवड्याला ४, ५, ६ हे प्रभाग जोडले गेल्याने तेथे भाजपचे ८, काँग्रेसचे ४ आणि राष्ट्रवादीचे शून्य नगरसेवक आहेत. या बदलामुळे भाजपचे प्राबल्य वाढले आणि राष्ट्रवादीची प्रभाग अध्यक्षपदाची संधी गेली. महायुती असूनही भाजपने राष्ट्रवादीला सहकार्याची भूमिका घेतली नाही.
प्रभाग क्रमांक २३ आणि २४ साठी पूर्वी जनरल अरुणकुमार वैद्य स्टेडियमध्ये भवानी पेठ क्षेत्रीय कार्यालय होते. त्याऐवजी आता या प्रभागांसाठी कसबा पेठ क्षेत्रीय कार्यालय असेल हे कार्यालय जन्म मृत्यू कार्यालयात स्थलांतरीत होईल आणि जन्ममृत्यू कार्यालय वैद्य स्टेडियममध्ये हलविले जाणार आहे. सर्वाधिक चार क्षेत्रीय कार्यालये सिंहगड रस्ता क्षेत्रीय कार्यालयाला जोडण्यात आली आहेत.
1. परिमंडळ एक
नगर रस्ता-कळस-लोहगाव
प्रभाग क्रमांक १
प्रभाग क्रमांक २
प्रभाग क्रमांक ३
येरवडा-विमाननगर-वाघोली
प्रभाग क्रमांक ४
प्रभाग क्रमांक ५
प्रभाग क्रमांक ६
ढोले पाटील रस्ता
प्रभाग क्रमांक १३
प्रभाग क्रमांक १४
2. परिमंडळ दोन
शिवाजीनगर, घोले रस्ता
प्रभाग क्रमांक ७
प्रभाग क्रमांक १२
प्रभाग क्रमांक २९
औंध बाणेर
प्रभाग क्रमांक ८
प्रभाग क्रमांक ९
कोथरूड, बावधन
प्रभाग क्रमांक १०
प्रभाग क्रमांक ११
प्रभाग क्रमांक ३१
3. परिमंडळ तीन
वारजे-कर्वेनगर
प्रभाग क्रमांक ३०
प्रभाग क्रमांक ३२
सिंहगड रस्ता
प्रभाग क्रमांक २८
प्रभाग क्रमांक ३३
प्रभाग क्रमांक ३४
प्रभाग क्रमांक ३५
धनकवडी आंबेगाव
प्रभाग क्रमांक ३६
प्रभाग क्रमांक ३७
प्रभाग क्रमांक ३८
4. परिमंडळ चार
कोंढवा उंड्री
प्रभाग क्रमांक ३९
प्रभाग क्रमांक ४०
प्रभाग क्रमांक ४१
हडपसर, मांजरी
प्रभाग क्रमांक १५
प्रभाग क्रमांक १६
प्रभाग क्रमांक १७
वानवडी-रामटेकडी
प्रभाग क्रमांक १८
प्रभाग क्रमांक १९
5. परिमंडळ पाच
बिबवेवाडी
प्रभाग क्रमांक २०
प्रभाग क्रमांक २१
प्रभाग क्रमांक २२
कसबा पेठ
प्रभाग क्रमांक २३
प्रभाग क्रमांक २४
विश्रामबागवाडा
प्रभाग क्रमांक २५
प्रभाग क्रमांक २५
प्रभाग क्रमांक २७
विरोधीपक्षनेता नीलेश निकम म्हणाले, ‘‘क्षेत्रीय कार्यालयाच्या पुर्नरचा चुकीची झाली असून, आमच्या पक्षात असंतोष निर्माण झाला आहे. यासंदर्भात आयुक्तांची भेट घेऊन बदल करायला लावणार आहे’’
माजी उपमहापौर डॉ. सिद्धार्थ धेंडे यांनी म्हटलं की, "येरवडा क्षेत्रीय कार्यालयाची व नगर रस्ता कार्यालयाची हद्द खूप मोठी आहे. नागरिकांना विनाकारण लांबच्या क्षेत्रीय कार्यालयात जावे लागणार आहे. राजकीय सोईपेक्षा नागरिकांची सोय महत्वाची असल्याने या पुर्नरचनेत बदल केला पाहिजे’’
तसंच सभागृहनेता गणेश बिडकर म्हणाले, ‘‘आम्ही कोणावरही कुरघोडी केलेली नाही. आम्ही हस्तक्षेप केला असता तर काँग्रेसलाही क्षेत्रीय कार्यालय मिळू दिले नसते’’
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
