Shirur Lok Sabha Election 2024 : शिरुर लोकसभेच्या निकालात 'भोसरी'ची निर्णायक भूमिका; काय आहे विजयाचं गणित?

Pune News : शिरुर (जि.पुणे) लोकसभेत ज्येष्ठ नेते शरद पवार आणि उपमुख्यमंत्री अजित पवारांचे उमेदवार यावेळी रिंगणात असल्याने या मतदारसंघाच्या निकालाकडे साऱ्या राज्याचे लक्ष याकडे लागले आहे. दरम्यान, आपणच विजयी होऊ, असा दावा दोन्ही पवारांच्या उमेदवारांनी केला आहे. मात्र, कोणाच्याही गळ्यात विजयाची माळ पडली, तरी त्यात निर्णायकी भूमिका भोसरी विधानसभा मतदारसंघ बजावणार आहे. (Latest Marathi News)

भोसरी विधानसभा मतदारसंघ हा शिरुरमध्ये सर्वाधिक मोठा आहे. गतवेळी 2019 ला शिरुरमधील इतर पाच विधानसभा मतदारसंघापेक्षा जास्त मतदान भोसरीत झाले होते. तसेच तेथील मताधिक्यही शिरुरमध्ये सर्वाधिक होते. तो पिंपरी-चिंचवडमधील तीनपैकी एक विधानसभेचा मतदारसंघ आहे. त्यामुळे या शहरी भागात यावेळीही सर्वाधिक मतदान अधिक होईल, असा अंदाज आहे.जे गतवेळसारखे निर्णायक ठरणार आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

भोसरीवर दोन्ही प्रमुख उमेदवारांनी (महायुतीचे शिवाजीराव आढळराव-पाटील आणि आघाडीचे डॉ. अमोल कोल्हे) यावेळी अधिक लक्ष्य केंद्रित केले आहे. त्यातून ते वरचेवर भोसरीचे प्रचार दौरे सध्या करीत आहेत. आढळरावांनी, तर भोसरीची पूर्ण जबाबदारी आपल्या चिरंजीवांनाच देऊन टाकली आहे. ते भोसरीत तळ ठोकून आहेत.

भोसरीने 2019 ला शिरुरमध्ये (Shirur) सर्वाधिक म्हणजे 37 हजाराचे मताधिक्य दिले होते. यावेळी ते एक लाख करण्याचा निश्चय स्थानिक भोसरीचे भाजप आमदार महेश लांडगे यांनी बोलून दाखवला. लांडगे यांच्याकडे कार्यकर्त्यांचे मोहोळ आहे. भोसरीवर त्यांचा पूर्ण होल्ड आहे.

मतदारसंघावर प्रभावी पकड असल्यामुळे 2014 ला मोदी लाटेतही ते अपक्ष म्हणून भोसरीतून आमदार (Mahesh Landge) म्हणून निवडून आले होते. त्यामुळे ते 2024 च्या लोकसभेला किंगमेकरची भूमिका बजावणार आहेत. महायुतीला मोठा जनाधार असल्यामुळे लाखाचे लीड शक्य आहे, असे ते म्हणाले.

(Edited By - Chetan Zadpe)