Trupti Desai on rights for men : भूमाता ब्रिगेडच्या माध्यमातून महिलांसाठी आवाज उठवणाऱ्या तृप्ती देसाई यांनी आता पुरुषांच्या हक्कासाठी पुढाकार घेतला असल्यास पाहायला मिळत आहेत. महिलांकडून होणारी गुन्हेगारी सध्या वाढली आहे. त्यामुळे वाढते पुरुष अत्याचाराचे प्रकार पाहता महिला आयोगाप्रमाणे पुरुष हक्क आयोग तयार करणे हे अत्यंत आवश्यक असल्याचं तृप्ती देसाई यांनी सांगितलं आहे.
माध्यमांशी संवाद साधताना तृप्ती देसाई(Trupti Desai) म्हणाल्या, पूर्वी पुरुषप्रधान संस्कृतीत महिलांच्या अधिकारांवरती गदा येत होती त्यामुळे महिलांना जास्तीत जास्त अधिकार देण्याचा प्रयत्न करण्यात आला. मात्र सध्याची काही प्रकरण पाहिल्यास प्रियकराच्या मदतीने पतीचा काटा काढणं अशा प्रकारची दुर्दैवी प्रकरणं समोर येत आहेत. त्यामुळे आता मला महिलांना सांगायचं आहे की आपण कुठल्या पद्धतीने काय करत आहोत याचं भान असणं आपल्याला आवश्यक आहे.
सध्या महिलांच्या प्रश्नांसाठी महिला आयोग राज्यात अस्तित्वात आहे. मात्र पुरुष हक्क आयोग देखील असावा अशी मागणी गेल्या काही काळापासून करण्यात येत आहे. पूर्वी माझा या मागणीला विरोध होता मात्र सध्याची परिस्थिती आणि महिलांकडून पुरुषांवर होणाऱ्या अत्याचारचे प्रकार पाहता ज्या पद्धतीने महिलांना न्याय देण्यासाठी महिला आयोग आहे. त्याच पद्धतीने पुरुष आयोग देखील स्थापन करावा अशी माझी मागणी असल्याचं तृप्ती देसाई यांनी सांगितलं.
अनेक गोष्टींमध्ये ज्या पद्धतीने महिलांना समुपदेशनाची गरज आहे. त्याच पद्धतीने पुरुषांना देखील ती आहे. सध्या महिलांच्या ज्या पद्धतीने वागत आहेत. महिला गुन्हेगारीचे प्रमाण वाढले आहे. त्यामुळे पुरुषांना न्याय मिळण्यासाठी पुरुष हक्क आयोग गरजेचा असल्याचं मला वाटत आहे असं तृप्ती देसाई म्हणाल्या.
सध्या महाराष्ट्राच्या राजकारणात पाहायला गेलं तर महिला नेत्यांचा डंका पाहायला मिळत आहे. प्रत्येक पक्षामध्ये आक्रमक महिला नेता आहे. त्यामुळे यावेळेस महिला मुख्यमंत्री पाहायला मिळेल अशी आमची इच्छा होती. आगामी पाच वर्षात महायुती मुख्यमंत्री बदलेल असं वाटत नाही. मात्र जर बदलण्याची वेळ आली तर महाराष्ट्राला मोठे मन करून पहिला महिला मुख्यमंत्री भाजपने(BJP) द्यावा, अशी आपली मागणी असल्याचे तृप्ती देसाई यांनी सांगितले.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.